影片
更多
2024-06-09
53 浏览
雖然佢位於灣仔嘅小巷仔，但係都有唔少支持者，照片今日就係其中一個粉絲！✨櫻海老沾麵特別喜歡麵條嘅口感，有彈性得來亦都好夠滑，掛汁效果特別好，湯底完完全全吸收晒櫻花蝦嘅鮮味，入口唔會太鹹，配埋流心蛋同兩大件火炙叉燒，確係滿足！✨黑龍豚骨拉麵🍜湯底非常濃郁，邊邊位甚至有泡泡嘅情況，飲落去有厚度且順喉嘅口感值得一試，另外裏面醇厚嘅豚肉，隨著微微嘅油脂感充斥整個口腔。✨小食食拉麵不能缺少嘅一款小食，餃子外皮香脆內餡帶汁；小丸子醬燒嘅味道都幾濃郁，咬落粉漿感唔重，反帶點Q軟；炸雞脆卜卜，雞皮完全冇油膩感；燒魷魚一夜干火候剛剛好，唔會太硬再加上沙律醬，絕對係最好嘅佐酒小食。只要follow埋小店嘅IG，更加可以獲得免費嘅雞軟骨餃子一份添～✨飲品最後當然唔少得一杯大啤酒，連埋餃子咁樣嗌都係$90
雖然佢位於灣仔嘅小巷仔，但係都有唔少支持者，照片今日就係其中一個粉絲！
✨櫻海老沾麵
特別喜歡麵條嘅口感，有彈性得來亦都好夠滑，掛汁效果特別好，湯底完完全全吸收晒櫻花蝦嘅鮮味，入口唔會太鹹，配埋流心蛋同兩大件火炙叉燒，確係滿足！
✨黑龍豚骨拉麵🍜
湯底非常濃郁，邊邊位甚至有泡泡嘅情況，飲落去有厚度且順喉嘅口感值得一試，另外裏面醇厚嘅豚肉，隨著微微嘅油脂感充斥整個口腔。
✨小食
食拉麵不能缺少嘅一款小食，餃子外皮香脆內餡帶汁；小丸子醬燒嘅味道都幾濃郁，咬落粉漿感唔重，反帶點Q軟；炸雞脆卜卜，雞皮完全冇油膩感；燒魷魚一夜干火候剛剛好，唔會太硬再加上沙律醬，絕對係最好嘅
佐酒小食。只要follow埋小店嘅IG，更加可以獲得免費嘅雞軟骨餃子一份添～
✨飲品
最後當然唔少得一杯大啤酒，連埋餃子咁樣嗌都係$90
张贴
