蟹仙海鮮蒸氣鍋 (龍崗道)

营业中

休息中

我地兩個人今日去左食尊貴海鮮套餐 🐠🐟職員會逐項逐項海鮮幫你煮熟， 唔需要考慮時間， 會唔會煮得唔夠熟，還是煮得熟過頭， 總之就係坐喺度食就得啦， 海鮮種類有好多款，有套餐有單叫，一個套餐都有成十款海鮮，仲有成個粥底 🥣🦀太平洋饅頭蟹喺香港唔係成日見到，有幸一試，雖然肉唔多但係，蟹膏味濃郁 🦀大王奄蟹真係多蟹膏多到爆炸， 視覺金黃嘅蟹膏， 喺口入面係甘香嘅， 新鮮清蒸嘅蟹 原汁原味，而且 蟹肉鮮甜 🦞琵琶龍蝦平時食開波士頓龍蝦， 今次試下琵琶龍蝦， 雖然size細隻小小 ，但係肉質非常鮮甜， 絕對要一試 🦞澳洲龍蝦即場喺你前面煮熟嘅龍蝦， 未打開蓋都已經聞到龍蝦味， 攞上手新鮮熱辣， 龍蝦頭嘅蝦膏加上新鮮啖啖肉龍蝦， 真係視覺味覺都一流 🐚🦐仲有九孔鮑魚，越南大虎蝦，大西洋野生青口，紐西蘭刀貝丰，紐西蘭月亮貝，珍珠蠔等樣樣新鮮，海鮮味重， 清蒸完嘅精華會一滴一滴流向下邊煲粥， 最後食返一碗熱熱綿綿 海鮮味十足嘅 “海鮮什錦精華粥“， 百感交集暖在心中老闆娘再送多兩碗清甜椰汁雪耳燉燕窩， 真係食到個肚脹卜卜咁走🤰🏻