影片
更多
2017-12-10
299 浏览
放工過去銅鑼灣兼食晚餐，行行下發現天氣越嚟越凍，梗係去打下邊爐暖一暖個人啦！搭𨋢上二樓去到依間十下火鍋，未入門口就係見到充滿懷舊風味嘅霓虹燈，入到去嘅裝潢都就類似六七十年代嘅冰室，十分有舊式風味。一坐低侍應便隨即介紹可以有咩選擇，見到餐牌選擇都十分多，花多眼亂決定直接選擇十下二人套餐，見裹面嘅食物都幾啱我心水。而湯底我地就揀咗蕃茄鮮魚鍋同十下麻辣鍋。喺點餐嘅途中，職員問我地要唔要加十蚊要個自家製作嘅飲品，有冬瓜茶、洛神花茶、酸梅湯、同天然椰子水可以選擇。而我就揀咗冬瓜茶，飲落幾清甜好解渴同解辣，好濃冬瓜茶嘅味道。首先送到上嚟嘅係脆炸魚骨，食落十分香口，又唔會有油益味，就算唔放落火鍋都可以就咁食，十分香脆。之後就係大刀手切本地牛肉，初初望落覺得冇咩特別，點知一夾起就見到原來係厚切嘅牛肉，漉完之後雖然好厚但食落一啲都唔韌，充滿肉味。牛白胸膀油，第一次嘗試牛嘅依個部位，食落幾有口感，有啲似魷魚嗰種彈牙嘅感覺，好有牛肉嘅油香味，又唔會太膩。食到一半職員幫我地喺蕃茄湯底入面食返半條魚出嚟，唔怪之得個蕃茄魚湯可以咁鮮味！不得不提就係依個十下三寶滑，分別就係墨魚滑、牛肉滑同豬肉滑。首先，牛肉滑入面加
一坐低侍應便隨即介紹可以有咩選擇，見到餐牌選擇都十分多，花多眼亂決定直接選擇十下二人套餐，見裹面嘅食物都幾啱我心水。
而湯底我地就揀咗蕃茄鮮魚鍋同十下麻辣鍋。
喺點餐嘅途中，職員問我地要唔要加十蚊要個自家製作嘅飲品，有冬瓜茶、洛神花茶、酸梅湯、同天然椰子水可以選擇。而我就揀咗冬瓜茶，飲落幾清甜好解渴同解辣，好濃冬瓜茶嘅味道。
首先送到上嚟嘅係脆炸魚骨，食落十分香口，又唔會有油益味，就算唔放落火鍋都可以就咁食，十分香脆。
之後就係大刀手切本地牛肉，初初望落覺得冇咩特別，點知一夾起就見到原來係厚切嘅牛肉，漉完之後雖然好厚但食落一啲都唔韌，充滿肉味。
牛白胸膀油，第一次嘗試牛嘅依個部位，食落幾有口感，有啲似魷魚嗰種彈牙嘅感覺，好有牛肉嘅油香味，又唔會太膩。
食到一半職員幫我地喺蕃茄湯底入面食返半條魚出嚟，唔怪之得個蕃茄魚湯可以咁鮮味！
不得不提就係依個十下三寶滑，分別就係墨魚滑、牛肉滑同豬肉滑。首先，牛肉滑入面加咗少少辣椒，食落有少少麻辣嘅感覺，肉味都十分重。然後豬肉滑入面加咗馬蹄同埋有少少酒味感覺幾特別。而墨魚滑食落好彈牙好軟滑唔會粉，幾好味。
魚蛋就係以前食開嗰種充滿果皮味嘅魚蛋，要醃製好耐先可以有依種味道。
而蒜味香腸就係有少少似台灣風味嘅香腸，中間有少少油脂，食落有好濃厚嘅肉味。仲有貢丸咬開有內仲有肉同肉汁，食落好有層次，都唔會有筋，十分美味。
豬肉餃子入面有豬肉同木耳芹菜等，食落都幾夾，同埋個皮都幾薄。
仲有個寛冬粉，配搭埋麻辣湯底食落好似重慶酸辣粉嘅感覺。
埋單一人三百幾蚊，有咁多配料可以食，簡直捧住個肚返屋企，都十分值得。啱曬冬天打邊爐暖下個胃！
张贴
