上海萬家村小館

营业中

休息中

係屋企炒餸往往都係要搞一場大龍鳳先有得食，仲要煮完未必係個隻味😂所以懶人做法係落去嗌個餸就算啦，所以今日就揀左去食一間家既味道。🐒酸甜咕嚕肉+菜飯💰$59呢間係上海菜，所以有得配菜飯，我覺得幾好，感覺健康啲😂咕嚕肉對我黎講係食極唔厭，因為平時係屋企都基本唔會煮到呢個餸。肉既份量都算多同埋都掛汁，酸甜度岩岩好，好開胃，但就冇去到驚艷水準，係普通想像到既味。🐒酸菜魚片+白飯💰$79本身諗住會係偏黃既湯，但好似偏橙多啲，呢個食落就偏油啲，所以搞到啲配菜都吸哂啲油，要送多幾啖飯落去先會解到膩，呢款就般般推介啦。佢都仲有其他選擇，所以如果下次都會想試其他小菜類😍好似話梅骨都好吸引！