中華小館

营业中

休息中

晏晝食飯嗰陣聽到人哋已經講緊去邊度玩，而我都仲係留港食晚飯。坐低之後，店員送上小食有青瓜雲耳。🌷芝麻鹽焗雞半隻雞有髀又有翼，雞皮薄身微脆，雞肉冇雪味又唔會乾身。點點醬汁，味道有啲似泰式辣醬。🌷脆皮鳳梨咕嚕肉咕嚕肉的醬汁偏甜，唔太覺得有酸味。咕嚕肉半肥瘦，入口有啲爽。🌷XO醬遼參四季豆驟眼睇以為只有四季豆，其實裏面有粒粒的遼參，遼參軟腍入味，四季豆偏油，味道幾辣。🌷淮山百合核桃炒蝦仁淮山和翠玉瓜爽口；核桃微脆；百合清甜；蝦隻爽身。一碗白飯配幾個小菜，簡簡單單又一餐。