全日雞實驗所 (通菜街)

营业中

休息中

雞痴天堂！呢間溫泉雞飯真係不得了，啲雞嫩滑到癲，雞皮彈牙又一啲都唔肥膩，食完直頭上癮！最正係套餐可以自選唔同部位，下庄真係大大碟、啖啖肉，配埋粒粒分明嘅香油飯，撈埋經典三色醬汁（黑醬油、辣醬、薑蓉），層次感勁爆，薑蓉香到飛天。雞飯套餐仲有無味精靚湯，啖啖清甜，飲落就已經好舒服。另外，雞髀套餐成隻去骨，雞味鮮濃，每啖都勁滑，配多件桑拿瑤柱肉餅，咬落去又香又彈，瑤柱味十足。熱柚子蜜濃濃柚子味，飲完暖胃又解膩，完全升呢。最後，超邪惡咖央多士，厚牛油同咖央醬一夾，香甜脆卜卜，食到停唔到口。