大灣咖啡廳

营业中

休息中

自從夜晚6點後停了堂食，相信大多數香港人都習慣了買外賣。有時搭公交，買外賣好似做苦力，揸車的話，在名店附近又難搵位，揾到位但又擔心會抄牌，但 Big Bay Cafe 就絕無那些問題；放低車匙給 valet parking，舒舒服服放心慢慢去取外賣，又不用搭電梯，方便無比。當然，若食品差的話，再方便也無用，但這個龍蝦 Platter 食材好鮮味，肉質纖維亦非常細緻，蘑菇湯忌廉味道很香，真材實料，連牛油也是法國paysan breton，軟滑程度與總統無異，但可惜麵包已變得太韌，頭盆整體令人印象深刻。熱葷的羊架和三文魚肉都很嫩滑，炒蝦味道一般，但尚可接受，而乾燒伊麵真係無得頂，一般飯店好易炒得過乾或過濕，結果就可能唔香又太硬或太咸，但這做得極佳，似乎香格里拉酒店集團旗下的幾個廚房都拿手做出一流的乾燒伊麵。最後的甜品，製作認真有誠意，是畫龍點睛之作，原來情人節當日更加送一個心形甜品，食完真係想感動到落淚😂。