天天海南雞飯 (新城市廣場三期)

营业中

休息中

好耐冇食海南雞飯啦，但又要揀一間好食嘅，都唔係咁隨便，今次嚟到新城市，梗係黎最出名嘅天天海南雞啦，因為次次見佢都係大排長龍，好多人食。以地方都真係幾寬敞，有好多卡位！坐得好舒服！我哋叫咗正宗嘅海南雞飯，例牌都幾大碟，兩個人share剛剛好！佢有三隻醬汁可以俾我哋點，有辣汁泰式醬汁同埋普通豉油汁，令海南雞嘅味道昇華。我哋叫咗碟通菜，份量都幾多，炒通菜唔算好鹹，味道剛剛好！之後我哋仲叫咗個冬陰功湯，雖然係一人份量，但係佢啲海鮮都好多好粥了，如果可以大碗啲嘅更加好，呢個冬陰功放多料！好好味！之後我哋仲嗌咗碟串燒，有豬牛雞，細細串好好食！仲有醬汁可以點！唔錯唔錯！呢度嘅環境都真係幾唔錯，坐得好舒服，座位好闊落，唔會同其他食客坐得好近！而這個位置方便，食完嘢已經可以落去一田行街！