影片
更多
2017-10-12
4850 浏览
約朋友出黎食飯, 好多時大家都唔知食咩好~今次朋友們都叫我發板, 出名多鬼主意既我帶左佢地黎呢間火鍋店一齊十下十下~有名得你叫『十下』當然主角就係香港人最中意既打邊爐!大家未黎已經上網見到係主打懷舊, 宜家既食店要留住客人除左要味道之外, 環境氣氛都好重要雖然係平日不過店內都幾多人幫襯, 證明我冇簡錯喇! 好在book左位同職員講聲就可以入座一行四位叫左兩個二人餐, 另外套餐包左每位1罐飲品的, 之後大家都有d意猶未盡, 再整多一渣酸梅湯飲不過唔記得左影相, 但係都好想同大家分享一下酸梅湯帶酸酸但酸度唔會過份, 面對好夠凍, 真係消暑同打邊爐既佳品!本身想叫個海鮮併盤, 不過又要另外加, 所以最後叫左『龍蝦鮑魚海鮮鍋』另+$40先黎個調味架比大家勻醬先~~~好快就已經將所有野食放晒上枱, 真係好滿足到我地呢d影相食先既人!!!二人精選火鍋十下三寶滑, 蒜味香腸, 三星蔥醬爆貢丸, 蟹肉蟹粉餃, 脆炸響鈴, 脆炸魚骨, 寛冬粉, 蔬菜拼盤二人套餐同精選有d分別手切本地牛肉, 牛白胸膀油, 十下三寶滑, 蒜味香腸, 果皮魚蛋, 三星蔥醬爆貢丸, 黑爽豬肉餃, 脆炸響鈴, 脆炸魚骨, 寛冬粉
今次朋友們都叫我發板, 出名多鬼主意既我帶左佢地黎呢間火鍋店一齊十下十下~
有名得你叫『十下』當然主角就係香港人最中意既打邊爐!
大家未黎已經上網見到係主打懷舊, 宜家既食店要留住客人除左要味道之外, 環境氣氛都好重要
雖然係平日不過店內都幾多人幫襯, 證明我冇簡錯喇! 好在book左位同職員講聲就可以入座
一行四位叫左兩個二人餐, 另外套餐包左每位1罐飲品的, 之後大家都有d意猶未盡, 再整多一渣酸梅湯飲不過唔記得左影相, 但係都好想同大家分享一下
酸梅湯帶酸酸但酸度唔會過份, 面對好夠凍, 真係消暑同打邊爐既佳品!
本身想叫個海鮮併盤, 不過又要另外加, 所以最後叫左『龍蝦鮑魚海鮮鍋』另+$40先黎個調味架比大家勻醬先~~~
好快就已經將所有野食放晒上枱, 真係好滿足到我地呢d影相食先既人!!!
二人精選火鍋十下三寶滑, 蒜味香腸, 三星蔥醬爆貢丸, 蟹肉蟹粉餃, 脆炸響鈴, 脆炸魚骨, 寛冬粉, 蔬菜拼盤
二人套餐
同精選有d分別
手切本地牛肉, 牛白胸膀油, 十下三寶滑, 蒜味香腸, 果皮魚蛋, 三星蔥醬爆貢丸, 黑爽豬肉餃, 脆炸響鈴, 脆炸魚骨, 寛冬粉, 蔬菜拼盤
二人精選火鍋已野食相對較少, 多左&唔用左既用左粗體用大家講解, 雖然呢個係貴d, 不過就係貴在湯底用料夠豐富! 龍蝦鮑魚海鮮鍋既湯底真係全部都係料
龍蝦滿滿都係肉, 而且龍蝦頭仲有好多膏!!! 除左有龍蝦, 鮑魚, 仲有帶子, 翡翠螺 同 蜆, 食才好新鮮呀! 鮮味又富有口感, 相當彈牙又好味
牛白胸膀油呢個真係第一次見, 第一次聽, 同第一次食既火鍋料, 牛肩膀既脂肪~聽落好似好肥
但實際入口係爽口無比, 好有口感嫁! 呢個真係好特別既一個食材, 個人推介!!!!!
十下三寶滑唔好以為呢度既野食係好簡單~ 係呢度既主打
墨魚滑配鹹蛋黃, 鯪魚滑配臘腸, 牛筋滑配馬蹄 - 三款其實都各有特色, 不過簡既三者入面我最中意既係墨魚滑配鹹蛋黃, 墨魚滑本身已經好彈牙配上鹹香既蛋黃, 就好似食緊黃金由魚果種味咁, 好邪惡~~~~但又忍唔住係咁食
牛筋滑配馬蹄 - 口感都唔錯的, 牛筋幾香入面有脆身既馬蹄粒~唔使點醬油食都好夠味
脆炸魚骨, 口感比一般炸魚皮更, 連魚骨都炸到可以食到~~~~~~
寛冬粉係個好既火鍋食材, 事關佢既比較耐既時間先可以煮林太時如果食公仔麵, 烏冬果D好多時都好快就煮到好林, 但呢個寛冬粉唔會, 感覺有d比食緊水晶粉咁, 吸埋湯既精華一齊食真係冇得頂!!
4個人份量真係有d多, 最後有d都食唔晒~~~~~~
個個都食得好開心, 而且一班人食飯傾下偈打邊爐真係最好不過, 真係一個好滿足既飯局!
张贴
