盛記酒家

营业中

休息中

灣仔群策大廈有好多美食，其中一間好有鑊氣又好味道嘅酒家就係盛記。同幾個朋友敍舊，所以約上去食晚飯。人未齊，先叫啲小食送吓啤酒。嚟碟椒鹽豆腐，外脆內軟，鹵水鵝掌都幾入味。食住等，叫咗滑蛋炒蝦仁，蝦好鮮甜，蛋又炒得好滑。跟住嚟嘅炸白飯魚同鮮魷，炸粉唔係好厚，食到入面嘅鮮味。豉油皇鵝腸，啫啫雞㷛同炒菜都好有水準，價錢又好大衆化，所以有好多捧場客。另外，佢哋嘅燒乳豬同燒鵝都好出名，下次可以再試。最後叫碟豉油皇炒麵，炒得好乾身，咁樣就滿足哂我嘅食慾喇。