香江花月 (百誠大廈)

营业中

休息中

見到呢個擺盤咁靚一定要嚟食，叫咗個香江拼，基本上就係牛嘅拼盤，裏面有不同部位嘅牛肉、牛舌、黑柏葉、黃喉同埋牛胸油，叫咗一碟金沙青，因為之前睇評語啲網友介紹一定要食，所以就叫嚟試吓，仲叫咗一個叫做花花綠綠，其實就係一個雜菜。飲品我哋叫咗瑰落月同埋星江夜。湯底我哋要咗日本牛乳玫瑰鍋。先講吓個日本牛乳玫瑰鍋，顧名思義就係牛奶同玫瑰啦，當然唔止啦，裏面仲有半個木瓜，不過其實個湯底牛奶味唔重，玫瑰味亦都唔重，木瓜味就更加唔重😅所以個湯其實好淡，不過又好奇怪喎，佢同啲牛肉好夾，令到啲牛肉更加甜，我唔知點解，但係我覺得用嚟打邊爐佢係好食㗎，齋飲就麻麻。好啦到主角香江拼，屏幕上面嘅所有不同部位嘅牛肉都係好食嘅，有甜味、牛肉味，黑柏葉去做比較大塊，比較難咬，唯獨是呢個爭啲，另外特別推介喺牛胸油，呢個我好鍾意食，好香，又有啲爽，唔錯唔錯。另外一個呢就係啲網友推介嘅金沙青，我覺得佢係一碟厚切嘅豬頸肉，咬落去豬肉好爽，會有啲豬油香，呢個都係好食。花花綠綠就擺盤好靚，好似一個花籃咁，估唔到一個木盒都裝到好多種菜，全部菜都係好新鮮。至於飲品賣相又係好靚，不過就算貴（我覺得）因為飲一杯唔夠喉，打邊爐通常都會飲好多嘢