好時沙嗲

营业中

休息中

我第一次幫襯呢間名氣好大嘅餐廳，嗌咗海南雞飯、排骨湯、同埋喇沙米粉。平日八點幾去都冇乜人食，嗌完嘢食好快就上菜。啲嘢好熱出晒煙，嗰時心諗呢度啲服務真係好快，又夠熱，都幾滿意。首先，海南雞飯。啲雞皮超厚，全部雞皮搣晒出嚟堆左一座雞皮山，啲雞勁淋，同埋冇味，唔明點解可以整到啲雞一啲味都冇，要靠點啲醬汁先至有味。啲油飯係啡色嗰種，好軟林林，唔似平時食開黃色嗰種，一啲香味都冇，淨係覺得食緊啲好油嘅軟林林嘅飯。之後，排骨湯。個湯係偏鹹，有藥味嘅水，啲排骨好韌，韌到你唔會想吞落肚，叫做有啖熱湯飲下。最後，我最唔滿意嘅喇沙米粉！警告：如果想增肥嘅朋友可以試吓，我懷疑呢碗野嘅湯全部都係油，係冇水份嘅，成碗都係油，好鹹，唔明點解啲人會話好食，我食咗兩啖已經劑住左。食完之後仲好唔舒服，因為太油膩（尤其碗喇沙）基本上唔係食咗好多，就已經個胃好唔舒服，係啲嘢太油膩嗰種唔舒服！總結！呢間野幾平，因為真係好垃圾。建議去食M記都冇咁嬲，仲唔會唔舒服。