走過十萬八千里找到你

营业中

休息中

平日晚市 嗌左二人餐餐湯同蒜蓉包，蒜蓉包淋到好似毛巾 餐湯冇乜味，以為係咪一時失手，就等下一道餸鵝肝多士，個包係脆既，味道不過不失，以為可以稍微放心少少，點知之後一道比一道差…意粉揀左蟹肉蝦膏汁意粉，冇乜味 冇乜汁 蟹肉同意粉份量少，每人一啖都差唔多食晒main就揀左牛板腱，冇乜牛味，外面又難又un ，但中間仲係生既到最後叫佢上埋甜品，本身應該係焦糖布甸+雪糕，但上左碟窩夫 然後話冇晒布甸所以轉窩夫。 我諗都係廚師巧妙嘅安排，嚟一個首尾呼應，如果蒜蓉包係淋嘅毛巾，個窩夫就係浸左三分鐘既響鈴平時都冇寫食評 冇影低啲食物嘅我，呢刻都比廚師嘅心思打動，為響鈴窩夫留下倩影