影片
更多
2022-07-03
136 浏览
前牌喺ig見到有朋友去星加坡旅行，真係非常之羨慕！好彩而家都可以喺香港都可以食到我每次去星加坡必食海南雞飯：「天天海南雞」喺呢一間位於element嘅天天海南雞，裝修好有特色，啲畫同標語都好有特色，而去檯與檯之間都好寬闊，坐得好舒服今晚嚟到餐廳，店員就介紹咗呢一個同蛇王芬crossover嘅二人餐。雖然而家係夏天，似乎食蛇羹唔係好啱season，但蛇王芬都係香港好出名嘅一間米芝蓮餐廳，之前一直都未有試過，所以今次就借住呢個機會一次過食晒米芝蓮海南雞同埋米芝蓮蛇羹啦！首先呢個套餐打響頭炮嘅係招牌海南雞。啲雞肥瘦比例啱啱好，肉質非常之嫩滑，雞皮亦都唔會好肥膩，配合埋秘制嘅醬汁非常之正！跟住餐廳就上咗兩碗蛇王芬嘅蛇羹：同之前出去食嘅蛇羹好唔同。首先，蛇王芬嘅蛇羹真係好明顯有一條條嘅蛇肉，非常足料！而且配合埋啲配料，食起上嚟好清新。下一道菜係蟹粉豆苗：呢豆苗條條都好幼，唔會有渣，配合埋好足料嘅蟹黃非常惹味！其實食到呢度都已經幾飽，但當餐廳上買嗰個蛇王芬招牌生炒糯米飯嘅時候，幾飽都忍唔住食曬。糯米飯每一粒都粒粒分明、煙煙韌韌，啲臘腸肥瘦適中，食起上嚟非常過癮最後，呢個餐有兩杯嘢飲，我哋就選擇左四
喺呢一間位於element嘅天天海南雞，裝修好有特色，啲畫同標語都好有特色，而去檯與檯之間都好寬闊，坐得好舒服
今晚嚟到餐廳，店員就介紹咗呢一個同蛇王芬crossover嘅二人餐。雖然而家係夏天，似乎食蛇羹唔係好啱season，但蛇王芬都係香港好出名嘅一間米芝蓮餐廳，之前一直都未有試過，所以今次就借住呢個機會一次過食晒米芝蓮海南雞同埋米芝蓮蛇羹啦！
首先呢個套餐打響頭炮嘅係招牌海南雞。啲雞肥瘦比例啱啱好，肉質非常之嫩滑，雞皮亦都唔會好肥膩，配合埋秘制嘅醬汁非常之正！
跟住餐廳就上咗兩碗蛇王芬嘅蛇羹：同之前出去食嘅蛇羹好唔同。首先，蛇王芬嘅蛇羹真係好明顯有一條條嘅蛇肉，非常足料！而且配合埋啲配料，食起上嚟好清新。
下一道菜係蟹粉豆苗：呢豆苗條條都好幼，唔會有渣，配合埋好足料嘅蟹黃非常惹味！
其實食到呢度都已經幾飽，但當餐廳上買嗰個蛇王芬招牌生炒糯米飯嘅時候，幾飽都忍唔住食曬。糯米飯每一粒都粒粒分明、煙煙韌韌，啲臘腸肥瘦適中，食起上嚟非常過癮
最後，呢個餐有兩杯嘢飲，我哋就選擇左四季養生飲品。飲起上嚟好Refreshing
张贴
