鼎泰豐

营业中

休息中

平時去開鼎泰豐都係食下小籠包、一盅湯麵、炒飯咁樣，今次朋友嗌咗個蝦肉燒賣好得意，同平時喺酒樓食嘅唔同，係用小籠包皮，再擺成隻蝦喺上面。口感好特別，用小籠包皮令到燒賣，咬落去特別煙韌，香口，充滿小麥香味。因為今日趕住出中環見客，所以冇影到其他餸易，其中有一碟，薑蔥炒安格斯牛肉$188。鼎泰豐本身價錢並唔係太平，呢個上等牛肉一其實都有啲貴，不過既然來到就試下。鼎泰豐廚師嘅手勢絕對excellent，佢哋嘅安格斯牛肉，應該係平時打邊爐嘅極上安格斯，咬口油脂豐腴，咬口鬆化，好有牛味，十分香口。薑蔥牛肉淨係嗰一陣花生油香味，已經搞到胃口大開。鼎泰豐喺一間完全冇得輸嘅餐廳，每次經過佢都想食佢，今次食完之後已經等唔切下一次再食佢的小籠包同埋湯麵。