影片
更多
2023-04-21
226 浏览
話說今日同兩個朋友去咗土瓜灣間店試下，一直都好想試，所以都好期待。接近6點walk in入去拿位，咁佢比左張紙我哋話7:50交枱，差唔多兩個鐘，諗緊應該係好好食好旺所以咁安排都覺得合理嘅。間店環境個D覺得還好嘅，QR code落單，同朋友點咗幾個餸諗住試下，點咗枝手工啤酒，好快上咗。咁我哋知楚撚記聞名戰鬥碗，又見個陣唔係好忙嘅時段，諗住雖然淨係叫左1枝酒，但都想用戰鬥碗打下卡，咁就拜托企我哋附近個阿姐比3個碗嚟，但佢比左三個杯，咁我地都冇講啲咩，以為要叫其他酒先有戰鬥碗。跟著過左陣有個哥哥仔侍應行過嚟問我地要唔要戰鬥碗，咁我地就話好，我多口講左句：以為要叫其他酒先有戰鬥碗添😂，點知個阿姐好敏感咁行過嚟話怕阻住你地先唔比碗之麻（唔知佢係咪誤會我地同佢同事投訴佢😂😂但feel到佢語氣幾激動…）不過當時覺得都係少事，只係當d食物嚟咗之後就覺得…..同期望爭好遠🥲首先，我同朋友3人總共叫左：炸豬手、炸大腸、馬拉盞通菜、金沙九肚魚、半打炸饅頭馬拉盞通菜：除左炸饅頭，所有菜一上枱就唔多熱，菜都係微溫😑碟菜係最快上嘅，但因為一嚟就唔熱，我初頭食都食唔出咩味，同埋啲菜梗有D老炸豬手：近乎凍嘅，D皮又極
接近6點walk in入去拿位，咁佢比左張紙我哋話7:50交枱，差唔多兩個鐘，諗緊應該係好好食好旺所以咁安排都覺得合理嘅。
間店環境個D覺得還好嘅，QR code落單，同朋友點咗幾個餸諗住試下，點咗枝手工啤酒，好快上咗。咁我哋知楚撚記聞名戰鬥碗，又見個陣唔係好忙嘅時段，諗住雖然淨係叫左1枝酒，但都想用戰鬥碗打下卡，咁就拜托企我哋附近個阿姐比3個碗嚟，但佢比左三個杯，咁我地都冇講啲咩，以為要叫其他酒先有戰鬥碗。
跟著過左陣有個哥哥仔侍應行過嚟問我地要唔要戰鬥碗，咁我地就話好，我多口講左句：以為要叫其他酒先有戰鬥碗添😂，點知個阿姐好敏感咁行過嚟話怕阻住你地先唔比碗之麻（唔知佢係咪誤會我地同佢同事投訴佢😂😂但feel到佢語氣幾激動…）
不過當時覺得都係少事，只係當d食物嚟咗之後就覺得…..同期望爭好遠🥲
首先，我同朋友3人總共叫左：
炸豬手、炸大腸、馬拉盞通菜、金沙九肚魚、半打炸饅頭
馬拉盞通菜：
除左炸饅頭，所有菜一上枱就唔多熱，菜都係微溫😑碟菜係最快上嘅，但因為一嚟就唔熱，我初頭食都食唔出咩味，同埋啲菜梗有D老
炸豬手：
近乎凍嘅，D皮又極靭，基本厚身D都要咬勁耐…
炸大腸：
又係微溫，同埋覺得佢有啲豬臊味仲未處理好（唔知係咪溫度影響味覺？）因為本人係好鐘意食豬大腸嘅，但對比我食過其他店，尼間楚撚記嘅豬大腸就覺得麻麻lo…..
金沙九肚魚：
溫度就好D嘅，可能因為真係要炸出嚟比我地食所以可能好d掛，但顏色上覺得唔係想像中嘅金黃色（自行判斷啦尼樣就），不過覺得份量比較少，同埋都係一般lo，冇咩特別😅
炸饅頭就唔特別講，同出面叫到嘅差唔多，熱嘅🤣
唯一喜出望外嘅係有糖水食，今晚係清心丸或番薯糖水二揀一，都唔錯（全晚食過最熱辣辣嘅野😹🫠）
而我哋記得入尼個陣話食到7:50，咁我地都有睇住時間做人，但到7:30個個阿姐就行過嚟同我地講話我地夠曬鐘架喇，要交枱喇喎。都唔緊要，要做生意都明嘅，但我地仲係度拿緊袋，佢就已經係咁執緊我哋張枱，我連單都未拿到（因為係張枱度）佢就係咁執🌚，就覺得尼個位有待改善lo🫢(回想返其實我哋都冇比過說話佢聽吖，但佢對住我地個面色🌚同佢嘅說話行為會令我哋覺得趕緊客lo😅)
不過以事論事，另一個哥哥仔（主動問我哋洗唔洗戰鬥碗個個）服務係好嘅，冇投訴。
總括嚟講對楚撚記土瓜灣店好失望😅😅食物質素真係有待改善，服務態度希望個阿姐可以改善下😃
张贴
