浜滝

营业中

休息中

都真係有一排冇嚟九龍城，今次嚟到之後，又有新發現，原來九龍城真係收收埋埋好多細細間嘅出色小店，今次好彩有朋友帶路，介紹咗間超出色嘅日本居酒屋俾我，覺得啲嘢真係好食！呢度嘅裝修好有入本當地居酒屋嘅特色，感覺真係猶如去咗東京咁樣！我哋叫咗好多嘢，除咗串燒同小食好突出之外，我覺得有3樣嘢必須要大力推介，就係龍蝦味噌湯、櫻花蝦泡菜牛肉石鍋同螢光魷魚漬。呢度個龍蝦味噌湯真係黐線㗎喎，超濃郁，龍蝦味好出，好鮮甜，味噌配埋龍蝦膏真係會令到成件事更加有層次感。螢光魷魚漬亦都唔會好似出邊啲居酒屋咁樣剩係得個咸字，真係食得出啲螢光油魚好新鮮，口感爽口最後就係個櫻花蝦泡菜牛肉石鍋，夠香口，牛肉亦都唔會鞋，石鍋亦都令到有少少飯焦，真係越食越過癮。