上海婆婆 (東港城)

营业中

休息中

💡 好味的上海菜🌶今晚同屋企人去咗東港城嘅上海婆婆，裝修懷舊得嚟有特色，花窗都好有老上海feel，食物份量十足，性價比超高！ 🐔花膠雲吞雞湯頭濃郁，雲吞皮薄餡靚，每隻都包住成塊花膠👵🏻。雞肉嫩滑唔柴，呢個價錢有半隻雞，抵食到震！ 🍆涼拌茄子蒜香麻油味超開胃，茄子蒸到軟淋但唔爛，拌滿蒜泥同芝麻醬～冰鎮上枱❄️，夏日食好清爽🌞 🍄珍珠冬菇扒菜膽冬菇炆到入味，蠔油芡汁掛滿小棠菜，阿媽話好撈飯最正。 🥠一口小饅頭（炸） 外脆內軟，迷你size一口一個，點煉奶食邪惡度爆錶💥 記得趁熱食！ 🥢上海小籠包 湯汁多到要用匙羹接，皮薄餡靚，夾起唔穿底，食個陣加埋薑絲醋，更加好味。🍡紅糖糍粑 脆皮糖衣，糯米糍炸到金黃，紅糖漿流心🔥 上枱時仲熱辣辣，味道岩岩好。