影片
更多
2019-06-14
131 浏览
以事論事，餃掂餃子係好食。我幫襯咗好多次。不過今次應該係最後一次，我唔想再食到提心吊膽。今日嗌咗碗粟米豬肉餃拼芫茜豬肉餃，食到第3粒粟米餃，竟然入面生勾勾 接近全生！我同其中一個阿姐A講，佢即刻攞咗隻餃入廚房，然後答我「我哋啲粟米餃係8成熟」(黑毛豬？)，又猛叫我睇吓另一隻餃熟唔熟。我對同佢講：「你哋有責任確保比客人食嘅每粒餃子都係熟！唔係另一粒熟咗就冇事！」佢見我冇比佢說服，就搵另一個可能係話事嘅阿姐B幫手。阿姐B就問我攞隻餃嚟睇，但送咗入廚房邊搵得返？佢就話粟米餃有啲落先有啲落後，可能有啲唔熟。好彩我影咗相。當佢見到幅相塊豬肉生到咁，先唔再砌辭，然後話叫廚房淥返粒比我食當無數。我拒絕，佢最後取消我張單。我行開咗再折返，同佢講：你哋唔係第一次煮得唔夠熟(上次外賣啲餃子都係偏粉紅)，請你同廚房講佢哋有責任煮全熟嘅餃子比客人！我今日係特登嚟開OPENRICE ACC寫呢篇食評，希望餐廳可以改善，唔好因小失大，而其他人如果想食呢間餃掂灣仔店，請小心留意餃子夠唔夠熟！
今日嗌咗碗粟米豬肉餃拼芫茜豬肉餃，食到第3粒粟米餃，竟然入面生勾勾 接近全生！
我同其中一個阿姐A講，佢即刻攞咗隻餃入廚房，然後答我「我哋啲粟米餃係8成熟」(黑毛豬？)，又猛叫我睇吓另一隻餃熟唔熟。
我對同佢講：「你哋有責任確保比客人食嘅每粒餃子都係熟！唔係另一粒熟咗就冇事！」
佢見我冇比佢說服，就搵另一個可能係話事嘅阿姐B幫手。
阿姐B就問我攞隻餃嚟睇，但送咗入廚房邊搵得返？佢就話粟米餃有啲落先有啲落後，可能有啲唔熟。
好彩我影咗相。當佢見到幅相塊豬肉生到咁，先唔再砌辭，然後話叫廚房淥返粒比我食當無數。
我拒絕，佢最後取消我張單。我行開咗再折返，同佢講：你哋唔係第一次煮得唔夠熟(上次外賣啲餃子都係偏粉紅)，請你同廚房講佢哋有責任煮全熟嘅餃子比客人！
我今日係特登嚟開OPENRICE ACC寫呢篇食評，希望餐廳可以改善，唔好因小失大，而其他人如果想食呢間餃掂灣仔店，請小心留意餃子夠唔夠熟！
张贴
