老趙越南餐廳

营业中

休息中

其實老趙喺佐敦已經有悠久歷史，但今次還是第一次幫襯。生牛肉河$34牛肉湯有濃郁牛肉味，非常鮮甜。單飲啖湯已知對辦。鋪係湯面嘅生牛肉，經過熱湯輕輕焯熟，粉嫩有致，嫰滑爽口又不帶肥膏，正！咖哩牛腩檬粉$44呢個相比下就無咁出色。咖哩稍欠香味，微辣。可能湯底太過濃稠，又或者奶味過盛，好難食得哂成碗，食完有點滯。而牛腩炆得稔軟，肉味濃郁。越式蒸粉包$40一份有四件，皮軟唔厚，餡料豐富，味道唔錯，加上魚露同吃，更加可口。總括而言，呢度收費便宜，環境企理，味道正宗，有機會一定再來。能屹立多年，果然唔係浪得虛名。