老趙越南餐廳

呢间开业接近50年嘅老字号越南餐厅，装潢虽然似普通茶记，但墙身挂满连续七年「米芝莲推介」奖牌，已经feel到佢有几好食几劲！重要系价格亲民，绝对系高质抵食之选。老赵牛肉粉 $88呢碗招牌粉绝对系必点之选！汤底用牛骨熬足时间，清甜得来带浓郁牛肉香；生牛肉片薄切嫩滑，浸热汤后刚好熟透；牛腩煮到好腍身入味；仲有弹牙牛丸同清甜大旧萝卜，配埋薄滑挂汤嘅河粉，正宗越南味道，难怪获得米芝莲推介啦。咖喱牛腩煲跟法包 $158咖喱汁香浓带微咸，风格偏向港式，略嫌咖喱香气未够突出，但牛腩煮得松化唔干柴，牛筋软滑又Q弹，吸尽精华。跟嚟嘅法包大条脆口，蘸汁食一流！炸虾饼 $78(4件)即叫即炸，热辣辣上枱，外层金黄脆口，内里虾肉弹牙，啖啖鲜虾味好香口。四件份量适中，作为小食够晒过瘾！越南米纸卷 $48(6件)店员极力推荐嘅清爽小食！透薄米纸包住弹牙鲜虾、烧猪颈肉同粉丝，加埋青瓜丝、紫苏叶，咬落好爽脆，蘸上鱼露一齐食，味道清新又解腻。椰汁三色冰 $34椰汁香浓，底层有红豆、马豆同绿色珍多粉条，饮落层次感十足。甜度适中，冰凉解渴，配浓味菜式一流。斑斓椰汁红豆冰 $36渐层卖相靓仔，斑斓汁自然清甜，唔会假香。红豆煮到绵密，同经典椰汁好夹，饮落顺喉唔腻，系一款有特色嘅地道饮品。椰汁拉椰卷 $34(4件)作为饭后甜品，呢款卷物烟韧软糯，斑斓味同椰奶香平衡得啱啱好，甜而不腻。…查看更多

老赵的创办人是位生于越南，长于越南的华侨香港既老牌越南餐厅选择实在唔多 | 少一间就少一个选择老师傅退下 | 新人又未完全跟得上水准 |出品自然会差左🍜 老赵牛肉粉 $88 | Deluxe Raw Beef Noodle in Soup 火车头级阵容！牛丸|牛腩|牛筋|生牛肉样样有|汤底饮得出系牛骨牛熬出嘅鲜, 加上大旧萝白| 清甜不腻果然是以店名命名的招牌菜！ 🥗 鸡丝沙律 $78 | Shredded Chicken Salad 份量非常多😳 成座山咁！烤花生碎|配住下层嘅鸡丝|椰菜|再加上酸辣嘅酱汁|整体清爽开胃！超大块虾片配嫩滑鸡丝|越吃越上瘾～ 🍧 椰汁三色冰 | Vietnamese Ice Cendol 椰汁配红豆|马豆|珍多 绿色香兰粉条 |后感层次极丰富冰凉消暑首选！椰香四溢|口感丰富|夏日必饮！ ☕ 越南手冲咖啡 | Cold Vietnamese Coffee 咖啡味重|非常香浓|加炼乳更对味！ 🥢 越南蒸粉包(4件)| Steamed Stuffed Rice Rolls 皮做得薄且滑|内馅丰富 含猪肉碎|红萝卜|洒了炸干葱及蒜蓉|淋上鱼露～好似「巨大版」粉粿|口感轻盈|让人胃口大开！ 🥥 椰汁拉椰卷 | Pandanus Layer Rolls 超浓郁椰香|烟靭软糯|唔会太甜|一啖口感好丰富！ 📍 老赵越南餐厅1978年创立|餐厅经营接近50年｜仲要连续获得七年[米芝莲]推介无论是前菜|正餐还是甜品|都能让人感受到地道嘅味道同独特嘅风情…查看更多

原来获得七年米芝莲推介🌿🍲. 环境舒服朴素，木桌椅配暖灯光。店员超热情，点餐时仲会推介辣度，感觉好贴心。.最正系食物，新鲜热辣辣整出嚟，香气四溢，虽然等咗阵（大概20分钟），但一啖落肚就知超值得！总结$448左右，四人份量够晒，越南风味正宗推介～🇻🇳.越南炸春卷（2条）$56，炸到外脆内嫩，咬落去酥脆声响个不停！😍 好入味带点鲜甜，蘸埋鱼露酱酸辣啱啱好，食完即刻开胃，绝对系必点小食！🥟🔥.主菜黑椒牛柳粒炒红饭 $158，牛柳粒嫩滑多汁，炒得匀称，黑椒味浓郁唔死咸。重点系红饭底，用茄汁炒成微辣版，饭粒粒分明带茄香，食落去暖胃又过瘾，辣度适中，连唔食辣都顶得住！🍚🌶️ 份量大，够晒饱肚。.重头戏黑椒大头虾粉丝煲 $198，哇，呢个煲仔汤底浓郁，粉丝吸饱虾汁超弹牙！🦐 大头虾只只新鲜肥美，每只都有虾膏，蒸得入味，啖啖虾鲜爆灯，配埋香菜同辣椒，热辣辣一煲到底，冬天食正！汤汁仲可以淋饭，零浪费～🍲💥.饮品椰子水 $36，清新解渴，椰香纯正，配埋辣菜中和口味一流。🥥.整体嚟讲，呢间店食物质素高，环境宁静适合聚餐。如果你钟意正宗越南菜，佐敦呢度一定要check out！下次想试埋佢哋嘅河粉…查看更多

去开佐敦做嘢，食晚饭拣咗呢间老字号嘅米芝莲推介越南餐厅，嘢食好味价钱亲民，唔怪之得屹立喺呢区咁耐。迷你庶虾 $44虽然写系迷你，但系我觉得系正常size，哈哈。虾肉爽滑，食得出系用新鲜虾整，炸得外层金黄，里面啖啖虾肉，最后再啜埋啲蔗汁。蟹肉粉丝肉碎金砖 $62蟹肉粉丝肉碎配搭恰到好处，食落好似仲有加一啲蛋？成个金砖唔会松散，食落口感软得来有咬口，调味几好食。咖喱牛腩煲跟法包 $158咖喱香浓。牛腩煮得松软腍身，一啲都唔干柴。牛筋入晒味，软滑软滑又有少少Q弹，配法包真系一流，唔会嘥咗啲咖喱汁精华。老赵牛肉粉 $88呢个招牌越南粉好好味，汤底清得来又香浓，材料丰富，除咗有生牛肉片，仲有牛腩、牛筋、两款牛丸同埋一大旧萝卜，全部都煮到入晒味。河粉又薄又滑，非常之挂汤，重点系好多肥仔芽菜，爽口爽口感配埋软滑嘅河粉一齐食口感好好。香茅猪扒饭$68猪扒煎得啱啱好，唔会干争争，肉质系扎实得来有肉汁。香茅惹味，配上一啲干葱同埋葱花，送饭好好味。佢仲可以加配煎蛋，如果捞埋流心蛋汁一齐拌饭应该仲好食。椰汁拉椰卷 $34 椰汁味几清香，唔会太甜，作为饭后甜品唔会好滞。…查看更多

老赵越南餐厅 系柯士甸站附近成日经过, 装潢宽敞似寻常茶记, 其实佢开左差唔多50年, 曾经攞过连续七年米芝莲,价格唔算贵, 主打正宗越南菜蟹肉粉丝肉碎金砖 $62见到人推介, 睇落真系4砖金. 不过味道似普通嘅蛋饼, 主要系粉丝肉碎加香葱蛋越南米纸卷 $48店员推荐, 包左烧猪颈肉同弹牙虾, 仲有粉丝, 新鲜脆青瓜,带有独特香味紫苏叶, 再蘸上檬粉嘅酸甜汁, 几refreshing 香脆牛油鸡翼 $98比起金砖, 较推荐佢地牛油炸鸡翼. 全翼炸得外皮金黄香脆, 连鸡翼尖都脆卜卜好食, 而肉质保持到软嫩多汁咖喱鸡煲同法包$158又见到人推介, 法包大条系够脆. 不过略嫌咖喱似港式, 调味咸唔系好够香浓. 鸡嘅份量多而调味唔多, 略鞋. 仲有d 鸭血后加老赵牛肉粉$88黎到叫番pho 最稳妥, 汤底饮得出系牛骨牛熬出嘅鲜, 加上大旧萝白, 清甜不腻. 牛肉片够薄, 浸落热汤刚好, 肉质嫩, 仲有弹牙牛丸. 牛腩略鞋, 牛筋够腍. 河粉够滑, 略碎老赵越南餐厅 (佐敦)佐敦文苑街25-27号地舖 …查看更多