影片
更多
2012-06-12
31 浏览
是日同男朋友諗住去女人街食飯，比佢地門口果餐牌吸引左，又見裏面暗暗地好似幾舒適咁，點知真係食魚蛋粉都冇咁嬲啊！我同男朋友叫左2個Set,有湯、蒜茸包、頭盤小食、主菜加野飲，大概＄80一個Set。其實湯同包原本真係冇乜好介紹，但係佢果個貌似幾好嘅蒜茸包味道實在夠驚嚇，陣味火羅得出奇！食左一啖已經食唔落啦... 之後果頭盤小食焗仲頂癮，睇落好地地㗎，點知食落凍冰冰，D汁同舊青口係分開嘅，完全冇焗過嘅感覺！！男朋友食完餐飯之後仲肚痛，都唔知關唔關事添阿！憤怒 ~~ 好！到主菜。男友食西冷牛排配芝士條及意粉。Again, 望落去OK㗎，我試左少少芝士條，硬邦邦的；至於D牛排同意粉，我見佢可辛苦咁食左七成，可想以知。。。至於我果份西西里魔鬼雞排配大蝦沙律，我會用不過不失嚟形容啦。不過，請大家留意，大蝦沙律是沒有大蝦而只有幾條蟹柳絲點綴下。失望～～～ 野飲：熱金桔檸檬綠茶、味道奇怪、想點！？餐廳內部實在迫到飛天，記得之前有人評Baby Cafe兩檯之間只有一隻匙嘅距離，但都好過我地食食下有兩人變成六人同檯食飯。我明白香港寸金呎土，但咁嘅價錢我絕對有其他選擇，咁嘅食物質素我一定唔會再幫襯！
是日同男朋友諗住去女人街食飯，比佢地門口果餐牌吸引左，又見裏面暗暗地好似幾舒適咁，點知真係食魚蛋粉都冇咁嬲啊！
我同男朋友叫左2個Set,有湯、蒜茸包、頭盤小食、主菜加野飲，大概＄80一個Set。
其實湯同包原本真係冇乜好介紹，但係佢果個貌似幾好嘅蒜茸包味道實在夠驚嚇，陣味火羅得出奇！食左一啖已經食唔落啦...
之後果頭盤小食焗仲頂癮，睇落好地地㗎，點知食落凍冰冰，D汁同舊青口係分開嘅，完全冇焗過嘅感覺！！男朋友食完餐飯之後仲肚痛，都唔知關唔關事添阿！憤怒 ~~
好！到主菜。男友食西冷牛排配芝士條及意粉。Again, 望落去OK㗎，我試左少少芝士條，硬邦邦的；至於D牛排同意粉，我見佢可辛苦咁食左七成，可想以知。。。
至於我果份西西里魔鬼雞排配大蝦沙律，我會用不過不失嚟形容啦。不過，請大家留意，大蝦沙律是沒有大蝦而只有幾條蟹柳絲點綴下。失望～～～
野飲：熱金桔檸檬綠茶、味道奇怪、想點！？餐廳內部實在迫到飛天，記得之前有人評Baby Cafe兩檯之間只有一隻匙嘅距離，但都好過我地食食下有兩人變成六人同檯食飯。我明白香港寸金呎土，但咁嘅價錢我絕對有其他選擇，咁嘅食物質素我一定唔會再幫襯！
张贴
