堅信號上海生煎皇 (將軍澳廣場)

营业中

休息中

今日去食午餐，冇叫午市套餐，因為想試麻辣酸菜魚，再加生煎包。兩樣都唔好食，魚唔新鮮有腥味，麻辣同酸味唔平衡唔香，非常一般！招牌生煎包更加唔好食，賣相已經唔得，見到，你唔會想一啖咬落去，望落去好似兩粒大少少有黑芝麻嘅墨魚丸，好細隻冇口感，食唔到包嘅質感因為真係好細隻，另外皮底一啲都唔脆，應該煎完放咗一段時間，肉汁唔香冇鮮味，好失望，是我食過最差嘅生煎包。價錢同食物質素不成正比，埋單$92。唯一可讚是服務唔錯，會主動問要唔要碗仔。