八合里牛肉火鍋

营业中

休息中

我最最最愛嘅新鮮牛肉打邊爐餐廳終於喺香港開咗分店啦！位置就喺沙田新城市廣場，超級方便！終於喺香港都可以食到正宗嘅潮汕鮮牛肉火鍋！呢到d牛肉超新鮮，每日現屠宰再送到港！首先調配好自助醬料，就可以坐定定等美食！要享受咁新鮮嘅牛肉，梗係要揀返最清淡嘅牛骨湯，夠清淡先食得出肉嘅鮮甜！今次嗌咗鮮切肥牛同埋新鮮雪花肉，我個人就比較鍾意雪花牛，除咗牛尾夠濃之外，我都比較鍾意呢個口感，結實得來又唔會鞋。手打牛丸都好彈口，九節蝦我想像中好食好多，除咗好大隻好爽口之外，食得出好新鮮！特色菌菇拼盤種類好多，淨係健康之選，果蔬三色麵一上枱已經覺得好吸引好健康！潮汕殼桃粿係我第一次食嘅，都幾特別，入面有滿滿嘅芋頭，出面脆脆地！金桔百香呢杯嘢飲都好好味，唔會過甜，夠晒清新！