八合里牛肉火鍋

作为火锅控，一早听闻沙田开咗潮汕神级牛肉火锅「八合里」，等到今日先有机会试，真系要讲句——点解唔早啲嚟啊！✈️ 原来唔使飞潮汕，香港都食到咁地道嘅鲜牛肉火锅，真心相见恨晚！一入门口最吸睛一定系个「鲜牛肉明档」，师傅手起刀落即场切牛肉，刀功干净利落，每块厚薄均匀。最安心系选用香港五丰行鲜牛，即日屠宰日日送，真材实料，阵阵牛鲜味扑鼻，未食已经流口水！🤤我哋叫咗「原味牛骨汤底」，清淡得嚟牛味香浓，完美带出牛肉鲜味，绝对唔会抢戏。重头戏系「至尊鲜肉四宝拼盘」同「鲜切肥牛」！上枱时朋友笑问：「听讲呢度啲牛肉新鲜到倒转个碟都唔跌？」我哋真系试下——结果真系贴实个碟，一啲都唔跌！新鲜程度满分！💯潮汕火锅最紧要涮嘅时间，呢度牛肉薄切，师傅建议涮10秒左右就食得。果然，短短十秒牛肉变色即刻捞起，入口嫩滑到难以置信，牛味浓到爆灯，完全冇雪藏味，得纯粹嘅鲜甜！另外「手牛丸双拼」弹牙爆汁、「潮汕四色水晶粿」外皮Q软馅料正宗、「果疏三色面」颜色靓又健康。最后饮杯「爆打鸭屎香柠檬茶」酸甜解腻，再嚟个「润肺小吊梨」滋润收尾，完美！🍐总括而言，八合里真系名不虚传！由牛肉新鲜度、汤底纯正到配菜制作，样样都体现到潮汕火锅精髓。虽然迟咗嚟试，但呢份鲜味绝对值得等待。以后想食正宗潮汕鲜牛肉火锅，终于唔使心挂挂北上，香港都满足到啦！👏…查看更多

位于沙田新城市广场的「八合里牛肉火锅」开业以来一直非常人气，潮汕牛肉火锅特色，新鲜就是王道，店内设有开放式鲜切牛肉档，厨师会即场根据牛肉不同部位的特点，切割成薄片或厚切牛肉，手打牛筋丸与牛肉丸都系店舖名物，牛肉控绝对不能错过👍👍▪️原味牛骨汤底 $ 78超抵食嘅汤底，大大锅由牛骨熬制，牛味超香浓味道鲜甜，渌完牛肉再饮汤更加浓郁，隐藏食法牛骨汤可以配搭芫荽、青葱和芹菜鲜味满泻👍▪️至尊鲜肉四宝拼盘 $ 188一次过可以品尝四种不同口感，鲜切匙柄、匙肉、吊龙肉、花趾肉，牛只在云贵川内蒙等天然养殖中心，得天独厚的气候采用放养式黄牛，肉质纤维丰富、紧致鲜嫩，真系每一款都有惊喜▪️鲜切肥牛 $ 78肥牛是牛腹部的夹层肉，肥瘦适中口感肥而不腻，充满牛油脂香，必食推介▪️手打牛丸双拼 $ 56手打牛筋丸和牛丸的组合，超级弹牙带有浓浓味，而且一口咬下去仲会爆汁▪️特色菌菇拼盘 $ 68拼盘食材丰盛，有蔬菜、鲜冬菇、蕃茄、白木耳和不同菇菌类，用牛骨汤滚完特别鲜味▪️潮汕四色水晶裸 $48有咸味和甜味，外皮烟靭馅料丰富，口感超丰富，满满潮式甜品风味▪️果蔬三色面 $ 32主食可以点呢一个果蔬三色面，口感烟韧弹牙，而且味道好清新▪️爆打鸭屎香柠檬茶 $ 38鸭屎香原来是一种特别茶叶的品种，得天独厚有一种浓郁的香气，配上柠檬茶风味一绝，清甜好饮解腻又解渴…查看更多

身为半个潮州人嘅我，最钟意就系潮汕火锅上次去潮州食唔到，竟然比我喺香港食到正宗嘅潮汕味道呢度嘅牛肉每日新鲜直送到餐厅，喺香港首家使用活牛进口、本港当日屠宰，现场都有师傅即场切牛肉，同深圳店一样原味牛骨汤底，用牛骨熬制而成，加埋粟米，红萝卜，唔好睇佢个样清清地，香浓牛骨味，足料清甜建议汤滚起咗，先饮汤，再打边炉至尊鲜肉四卖拼盘花趾肉、吊龙伴、匙肉、匙柄四个部位各有特色，一次过试晒四款牛钟意食边款再追加店员提我哋渌10秒左右系最好味架鲜切肥牛师傅每一片都切得好均匀色泽鲜艳，有嚼口手打牛丸双拼牛丸同牛筋丸，大粒又弹牙仲好juicy特色菌菇拼盘有不同嘅菇类，菇味好香好鲜甜潮汕四色水晶粿潮州特产，晶莹剔透糯米皮口感烟靭配上不同咸甜嘅馅料，我自己最钟意紫薯潮汕纯米粿条淡淡米香，粿条厚实嫩滑，吸收晒牛骨汤嘅精华再加少少沙茶酱，充满潮汕风味爆打鸭屎香柠檬茶润肺小吊梨汤打完边炉，食返个清甜润喉糖水，咁就唔怕热气啦…查看更多

🍲深圳汕头人气必食八合里火锅开到嚟香港啦，位于沙田新城市广场，地点非常方便，唔去潮汕都食到😌八合里主打非遗牛肉火锅，唯一蝉联8年大众点评必吃榜嘅牛肉火锅，全国更有超过200间分店香港八合里由著名五丰行供应鲜牛肉，成为香港第一间使用活牛进口、本港当日屠宰、每日新鲜直送到餐厅🙌🏻🍲原味牛骨汤底有大大件牛骨、牛肉、萝卜、粟米、红萝卜、红枣，好有牛味又清甜🐮鲜肉四宝拼盘有花趾肉+吊龙伴+匙肉+匙柄，牛肉新鲜到反转个碟都唔会跌，大约渌10秒左右就食得，有牛嘅鲜味🐮鲜切肥牛一样好食，不韧不油腻🐮手打牛丸双并两款牛肉丸，同样多汁好食🤤🥗田园时蔬拼盘有粟米、冬菇、番茄、娃娃菜等，食完咁多牛，要食返多啲菜～🍐润肺小吊梨仲有甜品完美作结，味道清甜润喉🍋爆打鸭屎香柠檬茶打边炉必须一杯饮品，柠檬酸酸甜甜啱晒解油腻感🚩八合里牛肉火锅 (沙田) 📍沙田沙田正街18号新城市广场一期6楼631-632号舖…查看更多

汕头过江龙牛肉边炉八合里牛肉边炉冇人唔识，竟然沙田依家都开咗唔使特登返大陆都可以食喺香港都食到新鲜嘅牛肉，喺香港当天即切，冷链车队直运佢真系传承咗汕头火锅非遗嘅文化，系唯一有汕头非遗认证嘅正宗牛肉火锅，由潮汕老师傅搭配非遗刀工精切每样肉类都有个牌，唔使担心分唔到系乜嘢肉仲要有指示要落几多秒就最适合，大部份都系10秒就可以食得最重要嘅系佢新鲜到反转个碟啲肉都唔跌手打牛丸双拼食牛肉边炉，一定要食牛丸平日唔食牛丸嘅我，会因为手打牛丸而食因为手打牛丸，真系超出色一咬爆汁嘅感觉，而且有好香嘅油味，好好食鲜切肥牛打边炉点可以冇肥牛？新鲜嘅手切肥牛半肥瘦啖啖肉色泽红润，10秒就食得鲜切匙肉 肉质甜嫩，脂肪油花雪花般分布，入口柔嫩多油脂，鲜甜爽口鲜切吊龙软嫩细腻而肉汁鲜甜饱满日时蔬盘（大）有六款唔同嘅蔬菜蔬菜新鲜食完肉食菜罪恶感即刻减低潮汕桃棵拼盘有啲似茶果嘅口感，唔会太甜颜色几靓果蔬三色面三种唔同颜色嘅蔬果面，真系好睇又好食无论小朋友定大人都俾佢嘅颜色吸引住爆打鸭屎香柠檬茶 当然要饮深圳热门嘅鸭屎柠檬茶手打真系特别一番风味金桔百香呢杯就好香桔味道，甜甜嘅感觉…查看更多