影片
更多
2024-11-12
331 浏览
老婆大人最鍾意食海鮮！呢日入咗西貢同朋友食晏揀咗有米芝蓮一星嘅六福菜館嚟開餐。呢間菜館連續15年攞咗米芝蓮一星，對於第一次嚟食嘅我多少都有啲期待。坐低整碟椒鹽奇趣豆腐嘆吓先，炸到好似一條條金磚咁個樣好鬼靚。食落去個炸皮好薄好脆又唔油，入面嘅豆腐滑嘟嘟可以跣入喉嚨好食喎。西貢地道魚湯用咗番茄薯仔嚟煲夠晒鮮甜！話時話我都好耐冇飲過番茄薯仔湯喇。椒鹽焗大連鮮鮑魚大隻到要用刀叉嚟享用！薄薄嘅炸漿同埋惹味嘅椒鹽鮑魚又香又煙靭真係整得好出色。花雕蛋白蒸斑馬瀨尿蝦真係好鬼大隻！瀨尿蝦肉質好嫩仲好鬼鮮甜，底下嘅蒸蛋白勁滑加埋花雕真係香到不得了。天婦羅桶蠔炸得好酥脆隻隻脹卜卜蠔味好香濃，夾上爽脆嘅生菜加埋脆米一齊食可以解油膩又好口感。野生海斑龍吐珠呢個樣真係夠晒有型！一條魚兩食分別整咗碧綠炒球同埋鹽酥骨腩。炒球啖啖肉食鮮味，鹽酥骨腩夠香口用嚟送酒一流，兩個唔同嘅煮法我都好鍾意呀。蜜糖欖角骨係老婆大人鍾意食嘅！呢條骨做得好鬆化又夠腍，加埋甜嘅蜜糖同鹹嘅欖角味道好有層次。薑蔥炒蟶子皇配煎米粉底用煲仔上好鬼香，入面有用薑蔥煮到好香好爽口嘅鮮甜蟶子皇，配埋啲炸咗嘅米粉一齊食真係好鬼正。聽聞呢間嘅豉油王炒麵煮得好
呢間菜館連續15年攞咗米芝蓮一星，對於第一次嚟食嘅我多少都有啲期待。
坐低整碟椒鹽奇趣豆腐嘆吓先，炸到好似一條條金磚咁個樣好鬼靚。
食落去個炸皮好薄好脆又唔油，入面嘅豆腐滑嘟嘟可以跣入喉嚨好食喎。
西貢地道魚湯用咗番茄薯仔嚟煲夠晒鮮甜！話時話我都好耐冇飲過番茄薯仔湯喇。
椒鹽焗大連鮮鮑魚大隻到要用刀叉嚟享用！薄薄嘅炸漿同埋惹味嘅椒鹽鮑魚又香又煙靭真係整得好出色。
花雕蛋白蒸斑馬瀨尿蝦真係好鬼大隻！瀨尿蝦肉質好嫩仲好鬼鮮甜，底下嘅蒸蛋白勁滑加埋花雕真係香到不得了。
天婦羅桶蠔炸得好酥脆隻隻脹卜卜蠔味好香濃，夾上爽脆嘅生菜加埋脆米一齊食可以解油膩又好口感。
野生海斑龍吐珠呢個樣真係夠晒有型！一條魚兩食分別整咗碧綠炒球同埋鹽酥骨腩。
炒球啖啖肉食鮮味，鹽酥骨腩夠香口用嚟送酒一流，兩個唔同嘅煮法我都好鍾意呀。
蜜糖欖角骨係老婆大人鍾意食嘅！呢條骨做得好鬆化又夠腍，加埋甜嘅蜜糖同鹹嘅欖角味道好有層次。
薑蔥炒蟶子皇配煎米粉底用煲仔上好鬼香，入面有用薑蔥煮到好香好爽口嘅鮮甜蟶子皇，配埋啲炸咗嘅米粉一齊食真係好鬼正。
聽聞呢間嘅豉油王炒麵煮得好出色梗係要叫碟嚟試吓啦！麵質爽彈豉油味啱啱好唔會太鹹，果然簡單得嚟好好味。
最後仲試到菜館泰國職員親手整嘅椰汁西米糕！正宗口味鹹甜做得啱啱好正呀喂。
张贴
