六福菜館

六福菜館位於西貢市場街，是一家連續多年獲得米芝蓮一星的海鮮餐廳，餐館分三層，環境潔淨，燈光柔和。侍應招呼週到，主打新鮮海鮮和粵菜小炒，另外亦可加工外來海鮮。餐牌上有數款全包套餐，亦可散叫。揀咗4人海鮮餐C椒鹽奇脆豆腐（8件）：豆腐外皮炸得金黃酥脆，內裏的保持嫩滑軟嫩，味道香辣鹹香，非常惹味！薑蔥炒蟶子皇（4隻）：蟶子皇肉質爽口，味道鮮甜，口感豐富，既有海鮮的鮮美，又有薑蔥的溫暖辛香，風味層次分明。椒鹽焗鮑魚（4隻）：鮑魚肉質鮮甜又彈牙，鹹中帶有蒜香，加埋椒鹽好惹味！天婦羅桶蠔生菜包（4隻）：桶蠔肥美飽滿，蠔肉炸至外層酥脆，裡面保持嫩滑多汁。用生菜包住蠔肉吃，除咗增添清爽的口感，還減輕了炸物的油膩。添加少許沙律醬提升味道，咬下去會感受到鮮蠔非常Juicy且鮮甜爽口。上湯開邊龍蝦伊麵（2隻）：龍蝦味道鮮美，肉質爽彈鮮嫩，伊麵口感爽滑，吸收了濃郁的龍蝦上湯精華後更添滋味。鮮菠蘿生炒骨：排骨外層炸至金黃酥脆，內裡肉質嫩滑，配搭菠蘿的果香和清甜。整體呈現出糖醋經典的酸甜鮮美。米湯浸時蔬味道是清爽細膩，蔬菜帶有一種清淡中帶有米飯香氣和微微甜味的自然味道，非常健康。自家製甜品：椰青大菜糕口感清爽、味道香甜，帶有淡淡的椰香。…查看更多

舅父移民返港探親, 當然要請佢食好野! 一行四人去咗西貢食海鮮, 選址呢間距離碼頭比較入少少, 連續幾年榮獲米之蓮, 牌面絕不失禮。果然今晚吃後令人讚口不絕!餐廳全室內座位, 設樓上雅座, 坐得舒服。除了散點時價海鮮, 仲有明碼實價全包宴海鮮餐, 非常抵食! 性價比高!我地揀咗---4人海鮮C餐 HK$3288 (全包宴)椒鹽奇脆豆腐: 豆腐外層不油又超鬆化, 內裡豆腐超嫩滑, 表面加咗極少椒鹽調味, 幾正。薑蔥炒蟶子皇: 超得好有穫氣, 份量足, 蟶子皇肥美爽滑又鮮甜, 火喉掌握得勁好, 沒有把蟶子炒得過熟而韌, 夾集蔥般一齊食, 更為香口。椒鹽焗鮑魚: 鮑魚厚肉而且大隻, 表面稍為泡過油, 薄薄一層炸漿鎖住了原本肉汁, 椒鹽提鮮更加鮮味無窮。天婦羅桶蠔生菜包: 桶蠔超大隻又肥美, 天婦羅做得勁為鬆化而不油, 外脆內嫩, 桶蠔keep到原本肉汁, 蠔味重, 用爽脆生菜包住食, 再加埋沙律醬, 滋味到極點。上湯開邊龍蝦伊麵: 開邊龍蝦都幾大隻, 肉質爽彈鮮甜, 伊麵底盡吸滑溜鮮味上湯茨汁, 正!鮮菠蘿生炒骨: 生炒骨甜酸解膩, 肉質札實有肉香。米湯浸時蔬: 蔬菜浸於米湯中, 更顯清甜。 最後送上甜品---椰青糕,椰青糕清甜無比, 夾集了椰肉, 椰香味十足。…查看更多

西貢呢間海鮮酒家非常有名氣，連續16年奪得米芝蓮一星，今次專程相約食友入西貢親身品嚐！西貢地道魚湯奶白色魚湯，賣相平凡，不是走奢華路線。但飲落好鮮甜，用多種鮮魚熬製，加入番茄仔，味道豐富，飲完成個人暖笠笠。椒鹽奇脆豆腐豆腐外層香脆，入面超滑溜！椒鹽味道唔會太鹹，食到淡淡豆香，送酒一流。藥膳辣酒煮花螺花螺用藥膳同辣酒煮，好入味！食落有淡淡酒香同藥材香，辣辣地好過癮，真係好啱送酒。椒鹽焗大連鮮鮑魚鮑魚大大隻，咬落非常彈牙。椒鹽做法香口，但完全無蓋過鮑魚嘅鮮味，外脆內軟好好食。鹽蒸野生海魚條魚好大條，魚肉厚身又嫩滑。簡單用鹽蒸已經好鮮，點少少醬油同蔥一齊食更加提鮮。蒜蓉粉絲蒸貴妃蚌貴妃蚌大隻又肥美，配上蒜蓉同粉絲一齊蒸。上枱時熱辣辣，蒜香十足，粉絲吸盡精華好正。天婦羅桶蠔伴生菜桶蠔大大隻，炸粉薄脆，入面蠔肉飽滿多汁。用生菜包住食，可以減低油膩感，口感更清新。椒鹽鮮魷鮮魷金黃香脆，入口外脆內彈牙，一啲都唔韌。椒鹽味道香濃，係一道非常好嘅佐酒小食。豉油王炒麵麵條炒得夠乾身，食落有鑊氣！豉油味道鹹香適中，麵身又彈牙，簡單但好好味。…查看更多

民以食為天，每日電視台、電台及網上傳媒皆有不少飲食節目，因緣巧合，看了TVB的「美食匠人」介紹「六福菜館」，心想何不照板煮碗，跟着介紹去搵食呢？金湯魚蓉羹 $538例每次來都喝蕃茄魚湯，由10幾款雜魚久熬而成，是實至名歸的美食！今次跟著「美食匠人」介紹改點的［金湯魚蓉羹］，材料矜貴，主要由幾款高檔鮮魚熬製，更上一層樓，金湯內有很多石斑魚肉，啖啖肉，身為魚痴的我，吃得滿足！椒鹽焗大連鮮鮑魚(5隻) $610由「六福菜館」始創，蒸完再炸，配合秘製炸漿，肉質煙韌結實，絕不會如橡筋一般，椒鹽香口惹味，做得的確比其他店出色。特別採用大連鮑魚是大廚「阿叔」的心得，相比南非鮑魚更適合鹽焗。鹽蒸野生海魚 $498今時今日野生魚很難得，是日鮮魚，剝皮魚及小黃魚，簡單鹽蒸，鮮美無比。海蝦鮮茄炒蛋 $188例以淨蛋黃炒，更香，更夠鑊氣，與滑蛋炒的風味不一樣。亦吃了電視節目沒有介紹的菜式：椒鹽奇脆豆腐 （小）$60必點項目，外脆內超滑。上湯龍蝦伊麵 （兩隻龍蝦）$1240龍蝦非常新鮮，處理得亦很好，伊麵盡吸精華。薑蔥炒肉蟹(18両）$634秋風起，正是食蟹的季節，炒得香，肉質結實鮮美。醋炒芥蘭 $168只吃最靚的中心部份，感覺豪門。脆皮風沙雞(1隻） $580新鮮雞必需預訂，懂得吃的，一吃就能辨。西貢艇仔蒸飯(小) $288蝦乾蝦米蒸飯，簡單就是美。豉油王炒麵 $168意猶未盡，再來一個招牌，很香的豉油味，麵條富彈性，吃得盡興！連續16年米芝蓮一星，並不講求賣相，重點在味道，環境服務到位，物有所值！#六福菜館 #西貢 #粵菜 #海鮮…查看更多

今日同朋友聚會，入咗西貢一間米芝蓮一星🌟嘅中菜館，佢哋已經連續16年拎米芝蓮，好勁呀，今日就一行四個人試吓佢哋嘅四人海鮮餐，入邊一共有八款菜式。🍽️椒鹽奇趣豆腐外皮煎得好脆，入邊嘅豆腐好嫩滑，椒鹽味道啱啱好。🍽️薑蔥炒蟶子皇平時出邊都係豉椒炒，呢度用咗薑蔥炒，幾新鮮，薑蔥突顯咗蟶子嘅鮮味，都幾夾🍽️椒鹽焗鮑魚鮑魚勁大隻，用椒鹽焗好少見，不過配搭出嚟嘅味道又唔錯，佢哋嘅鮑魚好易入口，一啲都唔韌🦪天婦羅桶蠔生菜包桶蠔真係超大隻，咬落去好鮮甜，粒粒飽滿，炸得都好好食，配埋生菜包會冇咁炸，好好食🦞上湯開邊龍蝦伊麵龍蝦超大隻，每人可以有半邊龍蝦，龍蝦肉有好多，肉質鮮甜又彈牙，上湯嘅味道都調得啱啱好，夾埋伊麵食，真係食唔停口🐷鮮菠蘿生炒骨酸酸甜甜，炸得好脆，好好味，份量又多🥬米湯浸時蔬套餐又點少得蔬菜呢，佢哋用咗米湯浸都幾特別，蔬菜吸滿湯汁，好夠味套餐最後仲有佢哋自家製嘅甜品，係椰汁糕，入邊仲有椰子肉，好有心思♥️呢個四人餐真係好豐富，食得好飽，佢哋嘅煮法全部都好好味，果然係西貢屹立咗咁多年嘅星級中菜館，環境舒適，員工都好Nice！如果入嚟西貢嘅話，我都幾推薦呢一間中餐廳👍🏻…查看更多

最近和朋友們去西貢享用了豐富的海鮮四人餐，整體用餐過程滿意，享受了一餐海鮮盛宴。開胃小菜椒鹽奇脆豆腐，外脆內嫩，搭配椒鹽的風味。海鮮先有薑蔥炒蟶子皇。蟶子鮮美，薑蔥的香味提升了整道菜的層次。椒鹽焗鮑魚的口感也十分出色，鮑魚的肉質鮮嫩，加上椒鹽的香氣，非常高質。天婦羅桶蠔生菜包則創意十足，炸得金黃酥脆的桶蠔包裹在生菜中，桶蠔大隻多汁，非常鮮味。上湯開邊龍蝦伊麵份量夠多，新鮮龍蝦與伊麵搭配得非常好。龍蝦每人半隻，肉質鮮爽。食完海鮮仲有鮮菠蘿生炒骨，生炒骨香脆，肉質嫩滑，酸酸甜甜。米湯浸時蔬，新鮮清爽。最後有椰汁糕作為甜品，清爽不膩，仲有一塊塊椰子肉。大滿足！…查看更多

住西貢多年，從來未試過呢間米芝連，生日慶祝，大家開心🥳一下，三個人，一早訂咗枱，其實都唔使，三層樓，不full，不過如有老人家，訂枱講明唔爬樓梯，點了招牌，奇脆豆腐，椒鹽大連鮑三只（呢個煑法一流），椒鹽瀨尿蝦x2，豉椒蟶子皇x 3，龍蝦伊面一份，半只風沙雞最好味係豆腐及鮑魚及瀨尿蝦，反而龍蝦伊面非常一般。都會再吃encore豆腐鮑魚及瀨尿蝦．．…查看更多

今次終於一試呢間西貢米芝蓮海鮮酒家，去西貢走走，再去食海鮮。叫咗個四人餐，有好多海鮮，都好豐富。首先椒鹽奇脆豆腐，外皮炸到金黃酥脆，內裡豆腐嫩滑，椒鹽香口☺️之後就到海鮮部份，薑蔥炒蟶子皇，蟶子大隻到成隻手掌咁長！炒得夠鑊氣，薑蔥香氣撲鼻，蟶子肉爽脆冇沙，連蔥都撈埋食😋椒鹽焗鮑魚，鮑魚焗到外脆內嫩，椒鹽惹味得嚟唔會蓋過鮮味，正！ 天婦羅桶蠔生菜包，蠔炸到外脆內爆漿好juicy! 用生菜包住食，好清新唔油膩～ 而上湯開邊龍蝦伊麵都好正！龍蝦新鮮彈牙，伊麵吸盡精華。鮮菠蘿生炒骨，排骨外脆內嫩，菠蘿清甜多汁，個甜酸汁調得啱啱好。米湯浸時蔬簡單但見功夫，菜嫩綠。最後甜品椰汁糕，椰香濃郁，口感爽滑，唔會太甜，完美作結～ …查看更多

今晚去左好耐無光顧，喺西頁米芝蓮海鮮菜館六福菜館，好食嘅嘢果然係經得時間洗禮，今晚我哋叫咗好多道好食嘅小菜，就揀幾樣同大家分享下，首先有佢哋外脆內軟既招牌菜椒鹽豆腐，就好似一塊塊黃金咁，賣相已經非常吸引！再嚟有同樣擺盤十分出色嘅豉皇龍蝦炒球，未食都睇到廚師嘅心機，怪不得可以年年獲得米芝蓮嘅推介，西蘭花炒得鮮甜可口，龍蝦球炒得有鑊氣又唔會太油！味道令人難忘！之後有風沙雞，本來平平無奇，原來個南乳汁先係重點，除咗雞皮脆之外，個南乳汁令到呢隻雞多咗一份層次感，咸中帶甜，最正係隻雞又唔油！最後推介佢個必食嘅椒鹽鮑魚，椒鹽鮑魚隻隻都做得非常精緻，先甜得嚟又爽口彈牙，咸咸地幾惹味！餐廳由佈置，到食物，咁多年都係始終如一咁好，值得推介！…查看更多

餐廳位於西貢市中心，遠處已經比佢哋嘅金色牌匾吸引住，好容易就會搵到呢間六福菜館去到門口仲見到有優惠， $1000自選三個菜式，不過我哋一早預訂咗四人餐，所以要留待下次先能夠試呢一個自選菜式餐廳有三層，所以環境好闊落，座位亦都好舒適而且餐廳職員非常顧及客人嘅需要，好有禮貌椒鹽奇脆豆腐用椒鹽薄脆漿包住嫩滑嘅豆腐，咬落去非常有口感薑蔥炒蟶子皇蟶子皇用薑蔥炒加上蒜頭特別惹味，蟶子啖啖肉，爽口彈牙椒鹽焗鮑魚鮑魚個頭超級大，但食落依然非常彈牙，椒鹽都冇蓋過鮑魚嘅鮮味，出色！天婦羅桶蠔生菜包呢個菜式係用生菜包包住炸蠔，佢嘅天婦羅脆漿鬆脆無比，沾上沙律醬，多重口感上湯開邊龍蝦伊麵上湯龍蝦最能夠帶出龍蝦嘅鮮味，仲係兩隻開邊龍蝦，兩隻龍蝦都好厚肉，起出嚟嘅龍蝦肉多汁鮮甜鮮菠蘿生炒骨係小朋友最鍾意嘅菜式，真係顧及到一家老少嘅需要，菠蘿酸酸甜甜，送飯一流米湯浸時蔬食咗咁多海鮮，食返個蔬菜均衡一下，佢哋嘅蔬用米湯浸，令到菜心特別鮮甜自家製甜品 斑蘭椰子糕呢個椰子糕裏面仲有一大條椰子肉，味道非常清新，加上斑蘭，令到口感更上一層樓六福菜館 (西貢)西貢市場街49號地舖…查看更多

今日諗住去慶祝家人生日，想食好啲，入咗西貢六福菜館食海鮮呢間菜館由2022年開始就已經榮獲米芝蓮餐廳，所以對佢哋嘅食材質素好有信心呢度有二人餐或者四人餐，一家人嚟食又得，情侶兩個人嚟亦都得！最鍾意就係直接叫套餐，唔使左諗右諗✨椒鹽奇脆豆腐呢個招牌小食依然都係咁好食，豆腐嫩滑無比，外層包住薄薄嘅椒鹽脆漿✨薑蔥炒蟶子皇蟶子皇炒得非常惹味，蟶子肉鮮甜爽口，代表食材新鮮✨椒鹽焗鮑魚鮑魚以椒鹽焗令到鮑魚肉裏面都好入味，個頭大得來肉質依然爽口✨天婦羅桶蠔生菜包呢個簡直係靈魂菜式，天婦羅脆漿做得非常鬆軟，包住新鮮嘅大統蠔再點上沙律醬以生菜包住，真係好滋味✨上湯開邊龍蝦伊麵龍蝦隻隻都手板咁大隻，而且龍蝦肉非常彈牙，原條肉拎出嚟勁厚肉✨鮮菠蘿生炒骨好少地方會用生炒骨，多數都係咕嚕肉，帶骨嘅排骨肉質比較鮮味✨米湯浸時蔬呢個菜式看似簡簡單單，菜心非常甘甜✨自家製甜品 斑蘭椰子糕係佢哋嘅泰國同事用心製作，超級重椰子味！六福菜館 (西貢)西貢市場街49號地舖…查看更多

西貢的六福菜館連續拿了米芝蓮一星16年，果然名不虛傳，今日來吃的菜式，款款都超美味。金湯魚蓉羹用多碗高級魚做湯，淡淡石斑肉。椒鹽奇脆豆腐與椒鹽焗大連鮮鮑魚都是招牌，做得非常出色。鹽蒸野生海魚，今日有剝皮魚及小黃魚，新鮮肉質嫩。上湯龍蝦伊麵與薑蔥炒肉蟹，絕對冇得輸。海蝦鮮茄炒蛋，好吃到停不了口。脆皮風沙雞，預訂了新鮮雞，超正！醋炒芥蘭，淨係食最靚嗰部份，真係矜貴。西貢艇仔蒸飯，很有特色。物有所值，定必再來吃。…查看更多

響西貢，我一定會去六福食海鮮。已經幫襯左十年以上。 今次，我哋就試吓叫啲唔同嘅菜式。今次就冇叫奇脆豆腐，但就叫咗金湯魚蓉羹，豉椒炒蟶子，椒鹽鮑魚同埋西貢艇仔蒸飯。最好食嘅係個金湯魚蓉羹，非常鮮甜同埋好夠料。個椒鹽炒蟶子就有啲細隻咗，下次可能要問吓邊啲海鮮新鮮啲大隻啲先至叫。個西貢艇仔蒸飯非常之驚喜，好鮮甜同埋都好夠料。最好可以有啲甜豉油加落去可能會更加好食。個椒鹽鮑魚都非常之好食，平時非常之怕喺出邊叫鮑魚，因為如果Overcooked咗，就會好似擦膠，咁下次會再試吓叫其他餸。…查看更多

坐落於香港西貢海旁的六福海鮮菜館憑藉對新鮮海產的極致演繹連續十五年蟬聯米芝蓮一星榮譽其 $3288 四人套餐從頭盤到主食更將 鮮、香、脆、嫩 的口感層次推向極致菜品覆蓋了炸、炒、焗、燴等多種粵菜技法這份套餐都能帶來 物有所值 的米芝蓮級體驗椒鹽豆腐    -豆腐被炸至外殼金黃酥脆，輕咬一口便聽到咔嚓脆響內裏卻是嫩如豆花的質感椒鹽焗鲍鱼    -焗烤後的鮑魚邊緣微焦，嚼起來彈性十足天婦羅桶蠔    -炸後依舊保持著蠔肉的飽滿多汁姜葱炒蟶子    -薑蔥的辛香激發了海鮮的鮮甜蟶肉在猛火快炒下保持著彈牙脆嫩的口感上湯龍蝦伊麵    -龍蝦被細心開邊，蝦肉飽滿到幾乎撐滿蝦殼經上湯燴煮後，鮮甜的蝦汁徹底滲入彈滑的伊麵中每一根麵條都吸飽了濃郁鮮香的龍蝦精華鲜菠蘿生炒骨     -排骨被炸得外酥裏嫩，裹著酸甜適中的菠蘿醬汁新鮮菠蘿的果香恰好中和了排骨的油膩…查看更多

小編今次帶屋企人去到西貢海鮮聖地 ~ 六福菜館🏮 呢間米芝蓮一星⭐️專攻新鮮海產，而且環境舒適又近海邊，啱晒一家大小或者朋友聚餐😍 我哋揀咗四人海鮮餐，性價比超高，滿滿海鮮盛宴，食到超飽👍🏻 𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓂃𓂃𓂃𓂃𓂃𓏸𓈒𑁍ᵂᴴᴬᵀ ᵂᴱ ᴼᴿᴰᴱᴿᴱᴰ四人海鮮C餐 $3,288（已包茶芥加一）❁ 椒鹽奇脆豆腐外脆內嫩嘅豆腐🐚，椒鹽香辣撲鼻，一咬落爆汁又唔油膩，開胃小食首選😋屋企人話食落像街頭小食但升級版，超滿足👍🏻❁ 薑蔥炒聖子皇聖子皇新鮮彈牙，薑蔥炒得火喉剛好，蔥香薑辣中和海鮮鮮味，入口啖啖肉，簡單材料炒出米芝蓮水準，海鮮控必試😋❁ 椒鹽焗鮑魚鮑魚大大隻又入味，椒鹽焗到外層香脆，內裡軟嫩彈牙，鮑魚汁濃郁撲鼻，一食就停唔到口。呢個招牌菜色真係豪氣又滋味，值回票價👍🏻❁ 天婦羅桶蠔生菜包🦪桶蠔炸得金黃酥脆，天婦羅外皮輕盈唔油，裹住新鮮生菜包，咬落清爽又juicy💦 配埋生菜解膩，層次感豐富，屋企人讚到飛起😍❁ 上湯開邊龍蝦伊麵 ⭐️推開邊龍蝦🦞霸氣上台，湯底清鮮濃郁，龍蝦肉厚實鮮甜，伊麵吸滿湯汁，每一口都係海鮮精華！好耐無食咁啖啖大肉嘅龍蝦，真係奢華享受😌❁ 鮮菠蘿生炒骨🍍菠蘿鮮甜多汁，配埋生炒骨脆口又入味，酸甜汁滲入骨肉，解膩又開胃，仲好色彩繽紛添🌈❁ 米湯浸時蔬 - 菜芯簡單米湯浸菜芯🥬，保留蔬菜清甜原味，湯底鮮美滋補，食完重口味海鮮後再食呢道解膩，真係好好配搭！❁ 自家製甜品 椰王肉大菜糕外形像大菜糕但係餐廳自家甜品，用清甜🧉椰王水處理，加埋椰王肉，濃郁椰香撲鼻，口感Q彈滑溜，甜而不膩，養顏又美味😚餐廳喺西貢海邊🌊環境休閒，而且每日海鮮直送真係好新鮮，加上大廚廚藝，⭐️米芝蓮一星實至名歸！平日週末都爆滿，建議真係要預早訂位喇🥳…查看更多