段純貞X日出茶太 (MOKO新世紀廣場)

营业中

休息中

今日去旺角行街肚餓去到moko 搵好嘢食, 好耐冇食過台灣嘢經過段純真牛肉麵, 決定入去試下。招牌紅燒腱心牛肉麵：紅燒湯底用多種藥材淆製， 足料濃郁帶點辛辣，牛腱心肉質腍滑膠質黏糯， 麵質烹煮時間掌握得剛好唔會太淋， 回味無窮。濃湯燉雞麵：雞髀肉質嫩滑， 雞湯鮮味濃郁， 手工麵麵質順滑 有質感， 每啖麵都吸收雞湯精華， 口感豐富。蒜醬青菜：青菜可以選擇生菜或油麥菜， 蔬菜鮮嫩，蒜味香濃。蒜粒古早台灣腸 ：香腸微焦香，肉質鮮美，加上蒜片增添了層次感。藥膳雞翼：每碗有三隻雞翼 ，湯底有杞子紅棗等好香藥膳味， 肉質嫩滑， 雞翼吸收咗湯底嘅精華更加美味。