影片
更多
2023-03-11
98 浏览
🍻🍻🍻講起港式粵菜小炒，一定諗起大排檔要搵一間好好食，同時又闊落同坐得舒服，都唔係容易既事但係一入到楚撚記頓時感到地方寬敞，完全唔會有逼硤感覺，每張枱相隔既空間十足，坐得舒舒服服，入面有大圓枱，亦有二人、四人枱，照顧唔同客人數目上的需要，而裝修擺設都盡量模仿舊香港大排檔，都可以俾大家打下卡白灼鵝腸 ($99)成碟鵝腸夠哂熱，每條鵝腸都浸滿油香，爽口嫩滑，加埋蔥絲薑絲，食落口完全唔會油膩生滾新鮮滑雞粥 (細鍋$90、大鍋$131)滑雞粥用煲仔連蓋上，盡量保持整鍋粥既溫度，雞件份量多，另外加埋油炸鬼，令到成碗粥都有飽滿既味道生炒糯米飯 (碗$39、碟$112)冬日限定糯米飯一到，即刻全枱都香噴噴，整碟糯米飯軟硬程度岩岩好，唔會太淋或太乾，天氣凍凍地真係好適合食個熱辣辣既糯米飯
講起港式粵菜小炒，一定諗起大排檔
要搵一間好好食，同時又闊落同坐得舒服，都唔係容易既事
但係一入到楚撚記頓時感到地方寬敞，完全唔會有逼硤感覺，每張枱相隔既空間十足，坐得舒舒服服，入面有大圓枱，亦有二人、四人枱，照顧唔同客人數目上的需要，而裝修擺設都盡量模仿舊香港大排檔，都可以俾大家打下卡
白灼鵝腸 ($99)
成碟鵝腸夠哂熱，每條鵝腸都浸滿油香，爽口嫩滑，加埋蔥絲薑絲，食落口完全唔會油膩
生滾新鮮滑雞粥 (細鍋$90、大鍋$131)
滑雞粥用煲仔連蓋上，盡量保持整鍋粥既溫度，雞件份量多，另外加埋油炸鬼，令到成碗粥都有飽滿既味道
生炒糯米飯 (碗$39、碟$112)冬日限定
糯米飯一到，即刻全枱都香噴噴，整碟糯米飯軟硬程度岩岩好，唔會太淋或太乾，天氣凍凍地真係好適合食個熱辣辣既糯米飯
张贴
