新肥泉海鮮大排檔

营业中

休息中

黃金魷魚($138)，份量都幾多件，鹹蛋黃炒到起沙包住晒每片魷魚，鹹香味濃郁，而且外層炸粉酥脆，魷魚口感半爽半煙韌，好正。避風塘軟殼蟹($168)，大約有八件，同樣炸得香口酥脆，外脆內軟，帶少少辣。泰式炸墨魚餅($128)，共八件，每件都算幾大，墨魚新鮮，食落有彈牙口感，外層酥脆，配泰式辣醬簡直係絕配。頭抽乾炒牛河($88)，份量足夠兩個人或以上食，大排檔既鑊氣就係與別不同，炒出黎唔會太油或太乾，而且炒得好平均，每條河粉都沾有頭抽，牛肉軟淋好入味。