新肥泉海鮮大排檔

大排档系香港既特色，平时多数都喺闹市，估唔到喺佐敦官涌街市熟食中心都有隐世大排档～ 一样有大圆枱、酒楼凳🪑、「哄」一声既炉头，啲小炒镬气十足，够油水又惹味几好🤤(5 😍 系满分，🤩系半分） 黑椒薯仔牛柳粒 ⚫️🥔🐮 - $138 (好味指数：😍😍😍😍)通常食大排档都一定会叫呢个小菜，食得出有镬气，而薯仔粒🥔🟨就系兵家必争之地😂，表皮金黄焦脆，里面绵密，够晒香口～ 而牛柳🐮就切成粒状，方便食同入味，质感软嫩juicy，牛味🐮几香浓～ 配埋微辣既黑椒⚫️同埋有中和作用既香甜蜜糖🍯，惹味又唔漏👍🏻鱼香茄子煲 🐷🍆🍲 - $108 (好味指数：😍😍😍😍🤩)鱼香茄子煲 🐷🍆🍲真系捞饭🍚一流🤤 集「甜、咸、辣、鲜」于一身，个汁融合左有咸香既咸鱼碎 🧂🐟、糖、醋、豆瓣酱🌶️、豉油同泡椒等等，配埋香口既猪肉粒🐷，够晒惹味，啲茄子🍆有走过油，质感软糯但唔会烂，索晒汁既精华几正🤤金银蒜蒸 (鲍鱼蛏子元贝) 🧄🦪⚪️ - $198 (好味指数：😍😍😍😍🤩)金银蒜🧄其实即系生蒜🧄同炸蒜🔥🧄，再喺上面淋上热既熟油激发香味同埋提鲜既豉油，配海鲜真系绝配👍🏻 鲍鱼🦪爽口弹牙唔会韧，有陈皮可以癖腥～ 啲元贝⚪️肉质紧实，味道鲜甜，裙边绵密～ 蛏子🦪好厚肉，肉质细嫩爽滑，味道清甜～ 整体惹味香口有咸香，连埋清爽滑溜既粉丝一齐食几有层次感🤩好味指数：😍😍😍😍🤩推介指数：😍😍😍😍🤩…查看更多

今日朋友带左我去食小妙，佢话呢度小炒同煲仔系任饮任食，连啤酒都系任饮，听落都几超值。餐厅位于佐敦，由佐敦铁路站宝灵街出口直行4分钟左右就见到熟食中心，真系几方便。2楼大排档空间几大，枱同坐位都宽阔。虽然系平日夜晚，但就越夜越多人，几热闹，好啱大班人聚会。餐牌选择好多，我哋就拣左120分钟 $288任食小炒同煲仔，饮品任饮。如想食火锅、麻辣水煮同海鲜就另一套餐，同样系任饮任食，最后我哋就拣左小食、汤品、小炒同炸子鸡。藤椒鱼皮：招牌小食之一，新鲜鱼皮爽口滑流，面层有芝麻，藤椒味香，好香麻辣味道，越食越辣，越食越惹味。皮蛋莞茜鱼片汤：汤好足料，有好多豆腐同鱼片，豆腐滑滑，鱼片切得薄薄，莞茜味香，整体好够味，热气饮佢就啱晒。芥未牛柳粒：牛柳粒容易咬，有口感得黎都几淋，芥未味浓但又唔会话好供鼻，系刚刚好，几好食。 当红炸子鸡 (半只)：炸子鸡半只份量都几多，外皮好脆，唔肥，肉几滑，调味刚好唔会好咸，另外仲有怀旧炸虾片做伴碟，我同朋友都几钟意呢个。…查看更多

新肥泉海鲜大排档，位于佐敦嘅官涌熟食中心，地点都算方便，喺地铁站行过嚟唔算远💪🏻今次嚟食小菜放题，价钱唔算贵，望住厨师炒到着晒火🤩见到都流口水，小菜放题仲要任饮啤酒🍻居然系青岛，消消暑就开餐😌海盐香煎雪花和牛粒(大)，上菜超快，有牛油香，一口size，一咬爆牛汁😋几嫩滑，海盐煎都几惹味👍🏻咸鱼鸡粒豆腐煲，超大份，鸡肉好正，煎咗好有咸鱼香，好味😎豆腐都几滑，高质嘅调味，整体几唔错老干妈炒四季豆，老干妈好惹味，加埋菜甫成个𩠌辣辣地送酒一流😍味道好好，当红炸子鸡半只，虾片冚住啲鸡一揭开个皮都几脆😳鸡唔油几滑几浓味👍🏻放题食晒四个仲可以再嗌，但个份量真系多到食唔落，最后只系追加咗一个XO酱爆牛柏叶，好大煲，XO酱好香炒到连西芹都挂晒汁😘牛柏叶爽身连XO酱好夹好惹味💟咁有镬气嘅小菜，又够晒大碟，呢个价钱任食有呢个质素都真系相当抵🥳钟意小炒嘅你要嚟试吓啦🙌🏻🙌🏻…查看更多

放工去佐敦办事，顺便同老细揾食。朋友极力推荐呢间「新肥泉」，话佢哋嘅小炒够晒镬气，一于去会一会佢！ 🍤 蒜片头抽煎海虾 一上枱就闻到阵阵香气，每只海虾都有手掌心咁大，虾壳煎得金黄脆身。虾肉结实弹牙，头抽嘅咸香恰到好处，唔会盖过虾嘅鲜味。最正系连虾头都有膏，吮埋啲虾汁真系好满足！ 🦪 碧绿炒象拔蚌花枝片 象拔蚌片切得厚薄适中（当然唔系新鲜象拔蚌啦～🤭😅），花枝片雪白爽脆，两样海鲜都炒得刚刚好熟。配菜用咗西兰花，沾满咗海鲜嘅精华，仲保持到翠绿爽口。最欣赏佢哋嘅火候控制，完全冇过火变韧。 🐸 避风塘炒田鸡 田鸡虽然唔系件件都系髀位，但够晒大只，啖啖肉之余仲好嫩滑。避风塘炒法够晒香口，洋葱片、蒜粒同辣椒干爆得脆卜卜，微辣惹味但唔会太刺激，送啤酒一流！ 🐮 豉椒炒牛柏叶（老细至爱） 平时食开豉椒鲜鱿、鹅肠就多，第一次见用牛柏叶咁特别！牛柏叶切得够薄，炒得爽口得嚟完全唔韧，豉椒汁挂得均匀又唔会太咸。老细大赞有惊喜，话下次嚟一定要encore呢味！ 呢度价钱相当亲民，难怪我哋食到一半已经全场爆满。如果想揾间有镬气又抵食嘅大排档，新肥泉绝对系佐敦区嘅隐世好选择！ **温馨提示**：晚市最好7点前到，否则要等位啊～…查看更多

任食放题同大排档就食得多，但估唔到两者结合居然可以擦出新火花！佐敦新肥泉海鲜大排档新推120分钟任食小炒放题，将近100款菜式，任你选择，今次同我大胃王朋友一齐嚟，结果两个人食到超级饱。每个顾客每次最多可以拣两个菜式，食完先可以再嗌。我哋喺众多嘅小炒入边，首先拣咗4个菜。肥泉小炒王 ，镬气十足，韭菜花、虾干、腰果炒得香口，送饭一流。半只沙姜鸡 ，鸡肉嫩滑，沙姜香味入味。腰果黑醋骨 ，酸甜开胃，黑醋味道浓郁。海盐香煎雪花和牛粒 ，牛肉油脂香丰富，简单用海盐调味已经好正。豉油王新鲜鹅肠，鹅肠爽脆，豉油味道够香，处理得干净无异味。每碟份量同正常大排档一样，绝对唔会因为任食就缩水。两个人食五道菜真系饱到捧住个肚走！每位$288，包埋无限饮品，真心抵食。虽然系任食，但餐厅好注重唔好浪费食物，每次都要清晒枱面嘅𩠌先可以再点菜，呢个理念好值得支持。大家去食记得量力而为，享受美食之余都要珍惜食物！…查看更多