影片
更多
2025-04-21
146 浏览
呢間絕對係我食過新派中菜Fine Dining嘅天花板👍🏻「大宅」位於銅鑼灣望月酒店入面，裝飾華麗具中式風格，餐廳推供高質而精緻嘅中式菜式，矜貴嘅食材加上主廚嘅功架，每一道菜式都無可挑剔😋金磚豆腐·金沙白飯魚豆腐外皮酥脆鬆化，香口而不膩，內裡嫩滑而且充滿豆香，確實不需要再加任何調味香炸白飯魚裹上咸蛋黃，入口咸咸香香再加上魚嘅鮮味，真係令人食唔停口大宅佛跳牆必食推介👍🏻足料佛跳牆以10多種名貴食食材烹調-鮑參翅肚、白鴿蛋、蹄筋、羊肚菌、蓮子、乾瑤柱、火腿、花菇，湯底特別濃稠而鮮味，滿滿嘅膠質十分黏口，以原盅燉盅上枱確保湯底嘅精華完全保留，不愧為店家number one嘅招牌菜🉐蟹黃銀針燴玉帶厚身而雪白嘅帶子兩面煎香配上蟹粉、瑤柱同魚翅所製成嘅芡汁，蟹粉甘香濃厚，瑤柱嘅鮮味極為濃郁，配搭味道清淡嘅帶子更加能突顯佢嘅鮮味20年古月龍山花雕蛋蒸虎蝦球虎蝦非常新鮮肉質爽口彈牙，花雕酒味香濃但又唔會蓋過蝦嘅鮮味，底下嘅蒸蛋嫩滑蛋香味濃郁並帶有一股淡淡嘅酒香，令人回味嘅一道菜式拔絲咕嚕肉咕嚕肉外脆內嫩，味道酸酸甜甜十分開胃，再加上脆卜卜嘅油炸鬼同彩椒令口感更加豐富香煎一夜先麒麟魚麒麟魚經一晚風乾再去
金磚豆腐·金沙白飯魚
豆腐外皮酥脆鬆化，香口而不膩，內裡嫩滑而且充滿豆香，確實不需要再加任何調味
香炸白飯魚裹上咸蛋黃，入口咸咸香香再加上魚嘅鮮味，真係令人食唔停口
大宅佛跳牆
必食推介👍🏻足料佛跳牆以10多種名貴食食材烹調-鮑參翅肚、白鴿蛋、蹄筋、羊肚菌、蓮子、乾瑤柱、火腿、花菇，湯底特別濃稠而鮮味，滿滿嘅膠質十分黏口，以原盅燉盅上枱確保湯底嘅精華完全保留，不愧為店家number one嘅招牌菜🉐
蟹黃銀針燴玉帶
厚身而雪白嘅帶子兩面煎香配上蟹粉、瑤柱同魚翅所製成嘅芡汁，蟹粉甘香濃厚，瑤柱嘅鮮味極為濃郁，配搭味道清淡嘅帶子更加能突顯佢嘅鮮味
20年古月龍山花雕蛋蒸虎蝦球
虎蝦非常新鮮肉質爽口彈牙，花雕酒味香濃但又唔會蓋過蝦嘅鮮味，底下嘅蒸蛋嫩滑蛋香味濃郁並帶有一股淡淡嘅酒香，令人回味嘅一道菜式
拔絲咕嚕肉
咕嚕肉外脆內嫩，味道酸酸甜甜十分開胃，再加上脆卜卜嘅油炸鬼同彩椒令口感更加豐富
香煎一夜先麒麟魚
麒麟魚經一晚風乾再去煎，鹹香味十足，魚鱗部分香煎過後會翹起成立鱗形狀，香脆可口，魚肉鮮嫩只需醬油提鮮就成為一道出色而美味嘅佳餚
蝦子花膠濃雞湯·拌菜苗·手工拉麵
厚厚嘅花膠彈牙而且充滿膠質，蝦子嘅咸鮮味令味道提升致更高層次，雞湯濃稠而鮮甜手工製作嘅拉麵每一條都掛上湯汁，入口順滑而鮮甜，呢碗麵我連湯都全部飲晒😋
芋茸燉鮮奶
中式甜品一樣非常出色👍🏻燉鮮奶奶香味十足，下層配搭軟綿幼滑嘅芋茸，甜度亦啱啱好，上面再加上桃膠，滋補又養顏
📍大宅 (銅鑼灣)
銅鑼灣謝斐道388號問月酒店3樓
人均消費：$500+
食物：⭐️⭐️⭐️⭐️⭐️
環境：⭐️⭐️⭐️⭐️⭐️
服務：⭐️⭐️⭐️⭐️⭐️
回頭率：⭐️⭐️⭐️⭐️⭐️
张贴
