帝樂德國餐廳 (Fashion Walk)

营业中

休息中

有一日，一班朋友話想食德國菜，就同朋友訂左呢間餐廳，係食野之前，已經唔多高興，店員服務態度差，我諗住指住個menu 話佢知食咩，佢話，咁姐係要咩咩咩啦係咪，成程黑面，未食已經嬲嬲地，其後叫野飲，好彩唔係同一個，有禮貌好多！好彩，如果唔係都真係幾受氣！首先黎到嘅係芝士拼盤，我超級喜歡食芝士，所以完全係我喜歡，揀嘅芝士都係比較濃的，但有朋友對芝士一般，就會覺得一般。德國腸普通，冇咩特別驚喜，都係一般的，燒雞都係一般，燒到有啲老，唔滑，海鮮飯加嘅香料我不太喜歡，朋友就好鐘意，海鮮係不錯的，足料，豬手好脆，直一得一試，送酒勁正，豬手送上黎會問下我地要唔要切，如果你唔想佢幫手，都可以叫佢就咁上，但我地唔想自己黎，所以都叫左佢幫手，雖然好夠脆，但啲邊位就好硬，硬都咬唔開，好實！最鐘意就係個薯餅，佢係刮絲再壓形，煎炸完勁好食，表面勁脆，入面又好軟，食得出一絲絲嘅薯仔，係食到佢真係薯仔絲！推薦呢個啲，整體佢嘅配菜都做得唔錯，配菜食曬多過主菜😆😆