影片
更多
2024-02-24
78 浏览
之前已經bookmark咗呢間酸菜魚舖頭好耐，今日終於有機會試吓！我哋七點前去到都只係剩番少少枱，好快個場已經坐滿咗啦。我哋睇咗餐牌，決定叫個二至四人份嘅老壇酸菜魚，再加啲小食同嘢飲。佢酸菜魚都有唔同種類嘅魚揀，本身個魚就跟咗好多配料，我哋只需要揀湯底，兩份主食同埋辣度就可以啦，另外仲可以用跟餐價叫嘢飲。前菜方面，我哋叫咗涼拌海蜇，涼拌青瓜木耳同樣鹽焗手撕雞。咁前菜就上枱啦，三碟前菜都好大份，全部都唔算太辣，食得好開胃。海蜇食落好爽，另外仲有啲脆卜卜嘅花生。而青瓜木耳都好好食，最後個鹽焗手撕雞都唔會太鹹，但係都有鹽焗嘅味道。好快個主菜就上嚟啦，一上枱我哋都嘩就出聲，真係好大份，就咁望落啲魚嘅份量都好多，而且佢下面仲有好多配料，另外仲有兩份主飯配埋添。啲魚煮得啱啱好，亦都起晒骨，酸菜都唔會太酸，微辣都好啱食，可以撈埋個主食落個酸菜魚食。最後我哋仲有啲口痕叫咗個紅糖糍粑食。新鮮炸起係真係特別好食，總共都有六條，好鬆脆好正。咁樣埋單一個人都係$200倒，食到飽一飽，抱住個肚腩走，好值得推薦俾大家！
我哋睇咗餐牌，決定叫個二至四人份嘅老壇酸菜魚，再加啲小食同嘢飲。佢酸菜魚都有唔同種類嘅魚揀，本身個魚就跟咗好多配料，我哋只需要揀湯底，兩份主食同埋辣度就可以啦，另外仲可以用跟餐價叫嘢飲。前菜方面，我哋叫咗涼拌海蜇，涼拌青瓜木耳同樣鹽焗手撕雞。
咁前菜就上枱啦，三碟前菜都好大份，全部都唔算太辣，食得好開胃。海蜇食落好爽，另外仲有啲脆卜卜嘅花生。而青瓜木耳都好好食，最後個鹽焗手撕雞都唔會太鹹，但係都有鹽焗嘅味道。
好快個主菜就上嚟啦，一上枱我哋都嘩就出聲，真係好大份，就咁望落啲魚嘅份量都好多，而且佢下面仲有好多配料，另外仲有兩份主飯配埋添。啲魚煮得啱啱好，亦都起晒骨，酸菜都唔會太酸，微辣都好啱食，可以撈埋個主食落個酸菜魚食。
最後我哋仲有啲口痕叫咗個紅糖糍粑食。新鮮炸起係真係特別好食，總共都有六條，好鬆脆好正。咁樣埋單一個人都係$200倒，食到飽一飽，抱住個肚腩走，好值得推薦俾大家！
张贴
