影片
更多
2021-11-26
49 浏览
當年去日本有幸食過壽司大師岩央泰既作品，令我印象難忘知道今次呢間以佢既大名黎香港既過江龍開鋪梗係即時要去朝聖啦位於尖沙咀海港城既黃金地段附近名店林立，盡顯呢間名店既身價當然係食omakase內店裝修都係傳統日本壽司店格局優雅既檜木吧台令你尤如置身日本咁前菜係粟米豆腐入口會食到好香濃既粟米香而佢雖然叫豆腐，但其實係形容佢既口感好似豆腐咁軟滑北海道慢煮八爪魚腳咁大個仔都未見過咁大隻八爪魚腳由佢咁大隻已可見呢間店用料幾上乘一般八爪魚都係爽口Ｄ但係呢道慢煮八爪魚就完全顛覆左我想法佢用左長時間慢煮，令佢既口感變得軟綿綿更重要係令微甜既醬汁入晒味，心機菜佢連用既碟都好有心思唔同既主題同圖案令你味蕾同視覺都有一級既享受灸燒吞拿魚師傅用備長炭黎輕輕燒一燒連皮既吞拿魚令魚皮多一份焦香既同時食到吞拿魚既鮮味上面既酸汁更加令人胃口大開作為前菜非常開胃蟹肉高湯啫喱魚子醬滿滿拆晒肉既蟹肉，淋上酸酸地既高湯啫喱再添上鮮味既魚子醬令你胃口更加大開拖羅手卷拖羅量超級多呢到既壽司飯用上赤醋香氣同酸味都更明顯而且更有層次青森天然左口魚有種清爽既鮮味更有心思既係佢落左少少柚子令佢更為開胃作為前段既主菜非常適合島根縣深海池魚
知道今次呢間以佢既大名黎香港既過江龍開鋪
梗係即時要去朝聖啦
位於尖沙咀海港城既黃金地段附近名店林立，盡顯呢間名店既身價
當然係食omakase
內店裝修都係傳統日本壽司店格局優雅既檜木吧台令你尤如置身日本咁
前菜係粟米豆腐入口會食到好香濃既粟米香
而佢雖然叫豆腐，但其實係形容佢既口感好似豆腐咁軟滑
北海道慢煮八爪魚腳
咁大個仔都未見過咁大隻八爪魚腳
由佢咁大隻已可見呢間店用料幾上乘
一般八爪魚都係爽口Ｄ
但係呢道慢煮八爪魚就完全顛覆左我想法
佢用左長時間慢煮，令佢既口感變得軟綿綿
更重要係令微甜既醬汁入晒味，心機菜
佢連用既碟都好有心思唔同既主題同圖案
令你味蕾同視覺都有一級既享受
灸燒吞拿魚師傅用備長炭黎輕輕燒一燒連皮既吞拿魚
令魚皮多一份焦香既同時食到吞拿魚既鮮味
上面既酸汁更加令人胃口大開
作為前菜非常開胃
蟹肉高湯啫喱魚子醬滿滿拆晒肉既蟹肉，淋上酸酸地既高湯啫喱
再添上鮮味既魚子醬
令你胃口更加大開
拖羅手卷拖羅量超級多
呢到既壽司飯用上赤醋
香氣同酸味都更明顯而且更有層次
青森天然左口魚有種清爽既鮮味
更有心思既係佢落左少少柚子
令佢更為開胃
作為前段既主菜非常適合
島根縣深海池魚口感爽脆，有淡淡鮮甜
島根縣手釣池魚
特別之處係抹上少少醬油，淋上少少青檸汁，放上少少薑蓉
令味道更有層次，亦更加清爽開胃
14日熟成中拖羅非常有驚喜的中拖羅
因為熟成過
令佢口感相對會軟身D
最重要係佢既鮮味會更濃縮更精華
令人非常回味
大間拖羅就咁睇真係分唔到佢係和牛定係拖羅
佢既油脂多到咁係有原因既
係因為佢地用左日本吞拿魚中最上乘既大間產吞拿魚所以先可以做到油脂係口中慢慢化開，魚脂香慢慢滲出黎果種幸福既感覺
熊本大蝦爽口又彈牙，更有陣陣蝦既鮮味
備長炭燒北寄貝
用備長炭輕輕燒過，有微微既炭火香
吞拿魚醬油漬與前面食既唔同，佢用左醬油黎醃漬
而且呢種血味更加濃郁
海膽三文魚子拌飯勁奢侈勁幸福既食法
將滿滿鮮甜既海膽，蓋上爆漿三文魚子黎拌飯
簡直係鮮味既大合奏
海鰻口感好特別，而且用左柚子醬，令味道更豐富
燒太刀魚魚皮燒得香脆，魚肉同時保持到嫩滑鮮味
玉子燒
呢個玉子燒真係全日最大既驚喜
師傅切果陣已經不斷諗緊到底係玉子燒定cheese cake黎
因為佢切面既果種綿密真係唔似玉子燒
但食落先知原來真係玉子燒黎
佢綿密既口感，你一定未食過而且係正宗日本關東人口味既偏甜玉子燒
令你真係可以好似食緊甜品咁
海鮮麵豉湯勁濃海鮮味
飲得出用左勁多蝦等等既海產黎煮
仲有大大隻爽口鮮蝦，真材實料
哈密瓜、啤梨哈密瓜甜度超爆錶，但佢甜得黎食清甜，所以就算咁甜都唔會膩
啤梨甜中帶酸，令你成完成餐都唔會有油膩感
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
雖然呢餐比起一般omakase貴少少
但係真係可以講係物超所值
不論食物質料、用料、師傅手勢、環境等等全部都係超一流水準
勁力推薦
张贴
