影片
更多
2023-10-21
25 浏览
個個香港人喺香港都話壓力大工作繁忙日日超時工作, 大家趁有時間就會去下旅行或者約三知己食下飲下或者睇場戲行下街去下shopping！而我個人都唔例外都係鍾意約下朋友食下飯飲下嘢, 間唔中就會發掘一啲新餐廳或新蒲點, 而今次就去咗九龍區嘅城市綠洲 搵一大班貓星人陪我食下午餐, 影返啲靚相減下壓, 今次冇預約興起就上去walk in探下路 視察一下環境先！上到去大約十二點鐘左右其實都唔算多人, 喺玻璃窗已經見到好多好多隻貓星人喺我面前走來走去, 真係好興奮啲貓貓好靚仔靚女, 等咗五分鐘左右侍應就我去搵位坐.我坐嘅位置都好好, 對住個貓星人玩樂平台, 因為呢個時間仲未食早餐兼午餐, 所以都急不及待搵揀咗嘢食先再慢慢同貓星玩.餐牌都其實好多選擇有單點同埋有套餐, 而我就揀咗個二人豐富午餐, 有兩份餐湯兩份沙律同埋小食拼盤, 有薯條、 唐揚雞塊同埋雞軟骨餃子, 除此之外: 仲有黑松露野菌忌廉意大利飯, 仲有巴拿馬火腿薄餅配蕃茄醬、水牛芝士、車底芝士、 巴拿馬火腿同野菌, 嘢飲方面嗌咗兩杯凍飲一杯百香果蜂蜜梳打同埋另一杯蘋果醋荔枝梳打, 樣樣嘢食同嘢飲都好新鮮美味即叫即制！ 試完可以再試, 下次都
而我個人都唔例外都係鍾意約下朋友食下飯飲下嘢, 間唔中就會發掘一啲新餐廳或新蒲點, 而今次就去咗九龍區嘅城市綠洲 搵一大班貓星人陪我食下午餐, 影返啲靚相減下壓, 今次冇預約興起就上去walk in探下路 視察一下環境先！
上到去大約十二點鐘左右其實都唔算多人, 喺玻璃窗已經見到好多好多隻貓星人喺我面前走來走去, 真係好興奮啲貓貓好靚仔靚女, 等咗五分鐘左右侍應就我去搵位坐.
我坐嘅位置都好好, 對住個貓星人玩樂平台, 因為呢個時間仲未食早餐兼午餐, 所以都急不及待搵揀咗嘢食先再慢慢同貓星玩.
餐牌都其實好多選擇有單點同埋有套餐, 而我就揀咗個二人豐富午餐, 有兩份餐湯兩份沙律同埋小食拼盤, 有薯條、 唐揚雞塊同埋雞軟骨餃子, 除此之外: 仲有黑松露野菌忌廉意大利飯, 仲有巴拿馬火腿薄餅配蕃茄醬、水牛芝士、車底芝士、 巴拿馬火腿同野菌, 嘢飲方面嗌咗兩杯凍飲一杯百香果蜂蜜梳打同埋另一杯蘋果醋荔枝梳打, 樣樣嘢食同嘢飲都好新鮮美味即叫即制！
試完可以再試, 下次都一定會上嚟同貓星人再玩多次.
张贴
