URBAN Cafe (兆萬中心)

好耐冇係香港食過咁難食嘅野，今次係第二次幫襯urban cafe ，上次去佢哋最大嗰間荔枝角分店，食左個滷水雞脾都唔錯，算滑，而且可以同貓貓玩，所以今次決定去佢哋旺角間分店。去到要先取飛等嗌number先入得，等左5分鐘左右，但入到去發現其實人算少，唔明點解要等，職員做野效率有啲低喎...今次嗌炸脾薯條跟紅豆冰，點知佢哋話冇哂紅豆...大佬，下午茶時段岩岩先開始，點解會冇？其實係咪唔打算做生意呢？算，轉左熱齋啡。啲食物等左10分鐘左右就到。我敢話佢個炸雞脾係我食過數一數二最難食，鞋到一個點...其實冇心做就唔好開鋪啦，好令人失望，雖然黎到都係玩貓為主，但食物連起碼嘅水準都冇憑咩收錢賣俾個客？其他野算正常，但佢薯條茄汁落左超多，我記得明明上次係俾個客自己鍾意落幾多就幾多。總括而言，玩貓可以照玩，但食物真係垃圾級別，唔好抱任何期望，當俾錢入去玩貓算。…查看更多

夜晚同朋友上咗兆萬呢一間貓貓Cafe，我自己都係第一次嚟，女店員態度好差，冇乜禮貌，好厭世嘅語氣，好似唔想做咁，唔講以為全世界得罪咗佢。場內有好多貓貓，一d都唔驚人，cafe環境幾好幾闊落，貓貓可以隨處跑動，大部份貓貓都好精靈活潑，但係貓貓會隨地大小二便，呢種情況唔應該出現係一間餐廳入邊，啲食客都睇到呆咗，另外睇得出店員對貓貓都係特別唔耐煩，抱起貓咪都係比較大力粗暴，直接一手扯起，我諗我以後都唔會再去幫襯…查看更多

雖然屋企養唔到貓🐱但為左一嘗親近mew mew嘅機會，就決定去貓貓🐱Cafe食野🍽️最後，揀左評價唔錯既Urban Cafe💖店內嘅貓貓🐱唔怕人，你用玩具🪇引佢佢會跳入你嘅懷抱。而且貓貓🐱好整潔，唔會有陣味💨，依樣好重要，特別係食肆🥰玩左陣我哋叫咗二人餐💖，再叫多個漢堡🍔，食咗以下嘅野：二人餐（$268）✨二人小食拼盤拼盤內有炸雞翼🐓、薯條🍟及洋炸蟹🦀鉗。炸物夠熱，又夠鬆脆，食得出係新鮮炸起而唔係翻炸，所以無膿黑同硬身嘅問題💕雞翼🐓好juicy，薯條厚切滿滿薯仔🥔肉。最後，蟹🦀鉗同中式酒樓個d唔同，類似蟹🦀肉餅，食落啖啖蟹🦀肉，仲好煙韌❗✨溫泉蛋煙肉野菌卡邦尼扁意粉炒香左嘅煙肉🥓，配上卡邦尼汁🧉，充滿陣陣鹹香。食意粉🍝最重要係汁嘅份量，要做到適中，先會有掛汁嘅效果。依到正好做到，加埋溫泉蛋🥚嘅蛋汁🍳，十分Creamy🥰✨安格斯牛肉手工漢堡配薯條漢堡扒🍔夠厚，而且煎到Medium，外層焦糖化🤩，非常香脆，中間少少粉紅充滿肉汁💖麵包軟熟，配上出色嘅蔬菜🥬好食又健康。✨飲品餐飲包2杯38元嘅飲品🍹。我們叫咗美式黑咖啡☕及提子🍇乳酪雲朵沙冰🍧。沙冰🍧上起左泡嘅忌廉☁️細滑易入口，兩杯都係出色之作👍🏻，我哋好似貓貓🐱咁好快飲晒d飲品🤣✨甜品日本北海道練乳草莓🍓芝士蛋糕🍰配雪糕🍨小朋友至愛😍蛋糕甜甜地。加上冰凍既雪糕🍨，睇落吸睛👀，食落滿足💕食完二人餐，我哋唔夠喉，再叫多個大啡菇安格斯牛肉手工漢堡🍔配薯條🍟。漢堡多左菇菌類🍄‍🟫，烤香咗所以冇咗個份菇菌類嘅腥味，健康又好味💖最後埋單，食飽飽，原來都唔洗400元。玩完貓貓🐱，仲有野食🤩下次一定會再嚟❗…查看更多

今日放風假～就同男朋友搵個地方hea 下～上網見到呢間貓貓cafe 超！級！抵！ 最平$38一個午餐包餐湯同基本飲品，重點喺有好多貓貓🐱陪你玩🥰👉🏻 蜜汁燒春雞半隻💰68份量夠大！肉質都ok～今次試咗蒜香燒汁覺得比較鹹，下次試下配香草忌廉汁可能會好啲～👉🏻焗芝士蕃茄菠蘿豬扒飯💰38味道可以，多汁可以撈飯，惟豬扒比較鞋，但呢個價錢我唔挑剔咁多啦！～～👉🏻蘑菇忌廉湯💰0（跟餐）好足料！每啖都有一粒粒嘅蘑菇口感🍄‍🟫👉🏻 酥炸魷魚鬚💰18（加配價）炸皮唔會好厚，魷魚鬚都彈牙👌🏻👉🏻 凍Babyccino泡沫鮮奶💰4（轉配價）幾好飲，口感順滑☺️👉🏻 伯爵茶鮮奶💰14（轉配價）我鍾意佢唔會好甜，有淡淡嘅茶香味，飲落舒服呢到嘅貓貓都好可愛☺️唔怕人又好乖～想同貓貓多啲互動，可以買逗貓棒同買貓糧餵佢地🐈呢到所有用餐費用會直接用喺佢地收容所入面需要幫助嘅流浪/被遺棄嘅動物身上，值得支持！！！💛💛💛…查看更多

當日我同朋友各自叫咗一杯凍特濃鮮奶朱古力同 凍榛子朱古力。問題嚟啦：兩杯外表一模一樣，侍應隨手一放就走人，冇講邊杯打邊杯。🤔我哋分唔到，只好舉手問侍應——👩‍🍳 第一位侍應：分唔到👩‍🍳 第二位侍應：都分唔到👉 最後兩杯齊齊送返廚房過咗一陣，佢哋攞返頭先戈兩杯出嚟（飲品外觀已經俾佢哋撩到亂曬，打唔到卡），再額外加一支飲管，竟然叫我哋：「你哋搵人試吓邊杯係打邊杯。」 你冇睇錯，佢哋自己整嘅嘢飲，竟然冇辦法分辨到，要客人自己試味。下？💭 當下我只得一個疑問：如果試錯咗，飲咗朋友嗰杯，餐廳會唔會賠返一杯？係咪假設所有客人都唔介意交換口水？餐廳對衞生嘅定義，究竟係咪同我哋唔同？其實，出餐理應有出餐紙跟著，如果唔係侍應又點知呢杯嘢飲落邊張台。落台嘅時候，侍應只要開口講清楚飲品名，再做好啲甚至可以問埋系邊位客人嗌咗榛子朱古力，放埋喺客人面前，問題就解決晒。結果變成一場「盲盒開飲品」遊戲。匪夷所思。額外提一提，兩杯嘢飲差唔多味，我哋飲完都分唔到。…查看更多

趁暑假出面又熱又焗又唔知去邊度玩？！ 其實貓Cafe 都係唔錯嘅好去處⋯⋯今日去左環境唔錯嘅Urban cafe …. 這次係我第二次去這集團嘅貓cafe。佢哋有幾間分店，而且仲有自家app 去booking，睇曬各分店的預約情況同餐單，超方便啊。今次就去咗旺角兆萬中心，環境舒適無味，貓咪亦有50多隻⋯⋯至於食物價格就比我上次去觀塘消費貴左少少但都叫做合理價👍佢哋有午餐提供每人最少消費$100 就可以同🐱共聚2小時。如果餐廳唔full 仲可以玩耐少少.. 佢哋嘅二人餐$198 有餐湯沙律，主菜同餐飲。加$仲可以叫埋甜品或者特飲⋯⋯食物質素唔錯而且都幾大份架。這店的貓迷都幾乖又多唔同貓種比你摸吓睇吓人餵下佢地食嘢都幾療癒喎⋯⋯📍URBAN Cafe (旺角)旺角西洋菜南街1N號兆萬中心14樓…查看更多

前一排去咗呢一間貓Cafe🥰有貓貓陪伴共進晚餐仲可以同佢地互動到😼問店員原來總共有50+隻貓貓咁多‼️最值得一讚嘅～係餐廳有做好空氣過濾措施做得非常足👍🏻有養開貓嘅就知道3-5隻貓嘅空間如果處理不好的話整個空間都會有強烈貓味和貓毛滿天飛🪽但這間貓咖完～全～沒有這個問題👍🏻而且餐點的定價亦很親民可以有貓貓共進晚餐😸再擼擼貓❤️✨🍴SET for TWO / $198🍴✨-🥗兩份精選餐湯 及 沙律-🍤滋味二人小食拼盤（酥炸雞翼x2蟹鉗x2薯條）（+$28）然後自選兩個main course：-🐔美國嫩雞胸配檸橄蘋果醬 （+$38）雞胸肉非常的嫩滑很Juicy!配的蘋果醬很特別酸酸甜甜～-🍕煙三文魚千島薄餅 （ +$18）滿滿千島醬加上水牛芝士和車打芝士，超級的香！還有菠蘿，粟米和煙三文魚～套餐包兩杯飲品（可以補差價升級其他特別飲品）-🍵抹茶紅豆拿鐵 （+$24）-🍫Oreo脆脆朱古力雲朵沙冰 (+$24)再單點了一份水牛城雞翼都唔錯～…查看更多

朋友知道我鍾意貓一直介紹我嚟呢間貓咪cafe，今次第一次嚟見到啲貓就興奮，隻隻都好可愛仲識擺pose影相，不停係咁影，真係好想帶佢哋返屋企，不過我講返呢度啲嘢食都唔錯，我叫咗個2人set，有湯或沙律，有小食拼盤，仲有主菜，湯同沙律都好味，最鍾意小食拼盤裏面嘅又唔會太多兩個人食啱啱好，美國嫩雞胸配檸檬蘋果醬，呢個個醬汁真係好特別，未試過咁特別少少酸甜但係味道又唔會搶咗隻雞胸。仲有個夏威夷pizza厚薄啱啱好口感一流。…查看更多

首先stuff態度好差 以不耐煩嘅語氣去serve 客🥲其次個烏冬咸到喊出嚟 個蘑菇湯好稠 似食緊餬多啲 杯凍飲仲要冇冰 我覺得飲緊室溫甜水多啲🙂最後 有好幾隻貓嘅毛髮有結塊及污糟情況 唔知啲stuff到底有冇用心打理貓隻 特別係長毛貓 望貴店多加留意貓貓整潔度 。整體用餐體驗差🙂‍↔️…查看更多

好耐冇去貓cafe，收工約左朋友去貓cafe玩貓貓，望到無憂無慮嘅貓貓真係好治癒💕❥ 精選餐湯餐湯係忌廉蘑菇湯，蘑菇碎好足料🍄‍🟫❥ 精選沙律沙律菜新鮮，仲有菠蘿、小蕃茄，好fresh🍅❥ 滋味二人小食拼盤小食拼盤有雞翼、炸蟹鉗、薯條，套餐價只係+$28就有，勁抵食👍🏻❥ 煙三文魚千島薄餅煙三文魚千島薄餅配料有千島醬、水牛芝士、車打芝士、菠蘿、粟米、煙三文魚，Pizza底部酥脆，好有驚喜🍕❥ 三重芝士肉醬意大利麵芝士肉醬意大利麵份量好多，將芝士肉醬撈埋意粉一齊食，完美既組合🧀❥ 法式焦糖燉蛋燉蛋上面嘅焦糖好脆，燉蛋奶味香濃，好滑溜， Mix埋一齊食超夾🥚❥ 香草薄荷朱古力香草清香配上薄荷冰涼透心，融入朱古力飲落好正🌿❥ Oreo脆脆朱古力雲朵沙冰香濃朱古力配上Oreo脆脆，口感豐富🍫…查看更多

其實一直想去旺角呢間好耐㗎啦，今日終於有時間過嚟玩吓貓貓，同埋食晚飯，一去到坐低就叫咗一個二人餐300左右包晒兩個人，有湯+主菜+沙律+叩咗個甜品，一個Pizza一個麵，仲有小食拼盤，嘢食質素唔錯，雖然貓貓好冷淡，唔似荔枝角嗰間熱情，可能因為佢哋係流浪貓收養返嚟，都唔係話特別鍾意俾人摸，但係望住佢哋已經足夠啦，好多都好可愛，一路食嘢一路望佢哋就已經好開心，貓貓數量都比較多㗎，佢哋有時候會想過嚟偷嘢食，記得小心唔好俾佢哋食到最後個甜品都幾好食，表示滿意👍🏻…查看更多

最近喺旺角行街, 無意中發現呢間藏身城市角落嘅🐱療癒系貓Cafe – Urban Café，入面有好多溫馴嘅貓貓😍晚市2人餐仲只係$198 蚊, 性價比爆燈, 真係一個消遣好去處🥰🌟晚市2人餐 $198▶️🥗兩份精選餐湯同沙律:沙律夠fresh, 都幾開胃▶️兩個主食:🔶🍝溫泉蛋煙肉野菌卡邦尼扁意粉 - creamy得嚟唔膩，蛋汁同煙肉完美融合。🔶🍕煙三文魚千島薄 – 夠晒足料, 上面仲有我中意ge菠蘿粒,haha! ▶️🍹兩杯飲品: 我揀咗2杯凍檸茶 👉 另加咗$28嘅二人小食拼盤：有酥炸雞翼、蟹鉗、薯條，炸得香脆唔油膩😚🐓佢哋嘅水牛城雞翼 ($58)，醬汁滿滿, 夠晒惹味； 🦑 海鮮拼盤 ($48) 都唔錯，魷魚鬚又香又彈牙！🐈‍最正當然係Cafe入面啲貓主子唔怕陌生人，可以慢慢摸佢哋,同佢地影相，氛圍超放鬆😉…查看更多

我和朋友去左貓貓CafeURBAN Cafe (貓貓Cafe) 見到Cafe超級多人超級多人玩貓貓，貓貓都好可愛🐈🐈‍⬛我同朋友同貓貓玩之餘都試咗佢哋嘅晚餐-美國豬胺扒:鮮嫩的肉質，搭配清新的檸檬蘋果醬，呢個整得非常之出色，建議大家食🍖🍏 -日式蟹肉甲羅: 鮮美的蟹肉，搭配獨特的燒芥末忌廉扁意粉，佢係有啲辣，但係都可以。🦀🍝-草莓紫米酸奶: 健康又美味，草莓的酸甜與紫米的香氣交織，完美的搭配！🍓🍚-牛油果奶昔: 鮮滑的口感，讓你在炎熱的夏季倍感清涼！🥑🥤而且嗰度都可以俾買零食貓貓食，啲貓貓自由自在咁樣走，好舒服嘅環境。…查看更多

Urban Café — 乾淨舒適貓Cafe✿去過呢間貓Café既3間分店，分別係觀塘、荔枝角同旺角，今次先寫一寫食評🥳呢一間Café係我去過既貓Cafe之中最乾淨，貓貓種類最多，食物質素亦係最高🙌🏻真係要比返個5星星~!!✨入門口之前店員會要求穿著鞋套，確保環境乾淨，入到去真係好震撼，成間餐廳有幾十隻唔同品種既貓!個人即刻都融化左☺️☺️餐廳裝修簡約雅致，見到空間感好大，枱面都算大張，可以一次過放滿2人餐既食物。有大幅牆身留比貓貓爬上去訓既地方，而貓貓最鍾意就係訓係餐枱隔離突起身既枱，或者坐係你櫈隔離，可以一邊食野一邊摸住佢地，全部貓貓啲毛都好滑好乾淨，同埋貓貓都好乖任摸唔怕人既。每隻貓貓都有掛牌寫住佢地自己既名，都睇得出店員好愛錫貓貓。🥰🥰黎到掛住玩貓差啲唔記得食野，我每次黎都會叫二人餐，最抵食！😆包括主菜、餐湯同餐飲，餐湯沙律 用沙律菜配醋汁，酸甜開胃小食拼盤 份量都好大，有成四粒炸雞青醬紅蝦意大利飯 紅蝦好大隻，青醬味濃郁安格斯牛肉手工漢堡配薯條 呢個漢堡有埋沙律薯條，大份好食日本伯爵茶芝士蛋糕配雪糕 中規中矩係典型既雪糕，芝士蛋糕有淡淡伯爵茶味凍咖啡芒果薄荷梳打 原本以為貓貓Café賣點只係貓貓，啲食物一定唔好食，但我睇小左佢食物質素中上，又大份又飽肚，價錢唔貴，絕對係對得起個價錢🤓每次想玩貓都會諗起佢，一定會無限encore呀~!😍😍…查看更多

明明有位置，但被趕出來了。說要在外面等叫號。本身很喜歡這家店，貓咪都很可愛。但是似乎服務人員並不熱情接待，這讓我們在外面等待的人很傷心。感覺這樣不是長久之計，希望可以再次見到貓咪們。…查看更多