URBAN Cafe (兆萬中心)

好耐冇系香港食过咁难食嘅野，今次系第二次帮衬urban cafe ，上次去佢哋最大𠮶间荔枝角分店，食左个卤水鸡脾都唔错，算滑，而且可以同猫猫玩，所以今次决定去佢哋旺角间分店。去到要先取飞等嗌number先入得，等左5分钟左右，但入到去发现其实人算少，唔明点解要等，职员做野效率有啲低㖞...今次嗌炸脾薯条跟红豆冰，点知佢哋话冇哂红豆...大佬，下午茶时段岩岩先开始，点解会冇？其实系咪唔打算做生意呢？算，转左热斋啡。啲食物等左10分钟左右就到。我敢话佢个炸鸡脾系我食过数一数二最难食，鞋到一个点...其实冇心做就唔好开铺啦，好令人失望，虽然黎到都系玩猫为主，但食物连起码嘅水准都冇凭咩收钱卖俾个客？其他野算正常，但佢薯条茄汁落左超多，我记得明明上次系俾个客自己钟意落几多就几多。总括而言，玩猫可以照玩，但食物真系垃圾级别，唔好抱任何期望，当俾钱入去玩猫算。…查看更多

夜晚同朋友上咗兆万呢一间猫猫Cafe，我自己都系第一次嚟，女店员态度好差，冇乜礼貌，好厌世嘅语气，好似唔想做咁，唔讲以为全世界得罪咗佢。场内有好多猫猫，一d都唔惊人，cafe环境几好几阔落，猫猫可以随处跑动，大部份猫猫都好精灵活泼，但系猫猫会随地大小二便，呢种情况唔应该出现系一间餐厅入边，啲食客都睇到呆咗，另外睇得出店员对猫猫都系特别唔耐烦，抱起猫咪都系比较大力粗暴，直接一手扯起，我谂我以后都唔会再去帮衬…查看更多

虽然屋企养唔到猫🐱但为左一尝亲近mew mew嘅机会，就决定去猫猫🐱Cafe食野🍽️最后，拣左评价唔错既Urban Cafe💖店内嘅猫猫🐱唔怕人，你用玩具🪇引佢佢会跳入你嘅怀抱。而且猫猫🐱好整洁，唔会有阵味💨，依样好重要，特别系食肆🥰玩左阵我哋叫咗二人餐💖，再叫多个汉堡🍔，食咗以下嘅野：二人餐（$268）✨二人小食拼盘拼盘内有炸鸡翼🐓、薯条🍟及洋炸蟹🦀钳。炸物够热，又够松脆，食得出系新鲜炸起而唔系翻炸，所以无脓黑同硬身嘅问题💕鸡翼🐓好juicy，薯条厚切满满薯仔🥔肉。最后，蟹🦀钳同中式酒楼个d唔同，类似蟹🦀肉饼，食落啖啖蟹🦀肉，仲好烟韧❗✨温泉蛋烟肉野菌卡邦尼扁意粉炒香左嘅烟肉🥓，配上卡邦尼汁🧉，充满阵阵咸香。食意粉🍝最重要系汁嘅份量，要做到适中，先会有挂汁嘅效果。依到正好做到，加埋温泉蛋🥚嘅蛋汁🍳，十分Creamy🥰✨安格斯牛肉手工汉堡配薯条汉堡扒🍔够厚，而且煎到Medium，外层焦糖化🤩，非常香脆，中间少少粉红充满肉汁💖面包软熟，配上出色嘅蔬菜🥬好食又健康。✨饮品餐饮包2杯38元嘅饮品🍹。我们叫咗美式黑咖啡☕及提子🍇乳酪云朵沙冰🍧。沙冰🍧上起左泡嘅忌廉☁️细滑易入口，两杯都系出色之作👍🏻，我哋好似猫猫🐱咁好快饮晒d饮品🤣✨甜品日本北海道练乳草莓🍓芝士蛋糕🍰配雪糕🍨小朋友至爱😍蛋糕甜甜地。加上冰冻既雪糕🍨，睇落吸睛👀，食落满足💕食完二人餐，我哋唔够喉，再叫多个大啡菇安格斯牛肉手工汉堡🍔配薯条🍟。汉堡多左菇菌类🍄‍🟫，烤香咗所以冇咗个份菇菌类嘅腥味，健康又好味💖最后埋单，食饱饱，原来都唔洗400元。玩完猫猫🐱，仲有野食🤩下次一定会再嚟❗…查看更多

今日放风假～就同男朋友揾个地方hea 下～上网见到呢间猫猫cafe 超！级！抵！ 最平$38一个午餐包餐汤同基本饮品，重点喺有好多猫猫🐱陪你玩🥰👉🏻 蜜汁烧春鸡半只💰68份量够大！肉质都ok～今次试咗蒜香烧汁觉得比较咸，下次试下配香草忌廉汁可能会好啲～👉🏻焗芝士蕃茄菠萝猪扒饭💰38味道可以，多汁可以捞饭，惟猪扒比较鞋，但呢个价钱我唔挑剔咁多啦！～～👉🏻蘑菇忌廉汤💰0（跟餐）好足料！每啖都有一粒粒嘅蘑菇口感🍄‍🟫👉🏻 酥炸鱿鱼须💰18（加配价）炸皮唔会好厚，鱿鱼须都弹牙👌🏻👉🏻 冻Babyccino泡沫鲜奶💰4（转配价）几好饮，口感顺滑☺️👉🏻 伯爵茶鲜奶💰14（转配价）我钟意佢唔会好甜，有淡淡嘅茶香味，饮落舒服呢到嘅猫猫都好可爱☺️唔怕人又好乖～想同猫猫多啲互动，可以买逗猫棒同买猫粮喂佢地🐈呢到所有用餐费用会直接用喺佢地收容所入面需要帮助嘅流浪/被遗弃嘅动物身上，值得支持！！！💛💛💛…查看更多

当日我同朋友各自叫咗一杯冻特浓鲜奶朱古力同 冻榛子朱古力。问题嚟啦：两杯外表一模一样，侍应随手一放就走人，冇讲边杯打边杯。🤔我哋分唔到，只好举手问侍应——👩‍🍳 第一位侍应：分唔到👩‍🍳 第二位侍应：都分唔到👉 最后两杯齐齐送返厨房过咗一阵，佢哋攞返头先戈两杯出嚟（饮品外观已经俾佢哋撩到乱晒，打唔到卡），再额外加一支饮管，竟然叫我哋：「你哋揾人试吓边杯系打边杯。」 你冇睇错，佢哋自己整嘅嘢饮，竟然冇办法分辨到，要客人自己试味。下？💭 当下我只得一个疑问：如果试错咗，饮咗朋友𠮶杯，餐厅会唔会赔返一杯？系咪假设所有客人都唔介意交换口水？餐厅对衞生嘅定义，究竟系咪同我哋唔同？其实，出餐理应有出餐纸跟著，如果唔系侍应又点知呢杯嘢饮落边张台。落台嘅时候，侍应只要开口讲清楚饮品名，再做好啲甚至可以问埋系边位客人嗌咗榛子朱古力，放埋喺客人面前，问题就解决晒。结果变成一场「盲盒开饮品」游戏。匪夷所思。额外提一提，两杯嘢饮差唔多味，我哋饮完都分唔到。…查看更多