The Pearl

今晚想同一個好耐冇見嘅朋友去尖沙咀聚舊，所以見呢度個裝修幾有feel就嚟食下。餐廳喺酒店入面，以黑色為主題，十分型格。有分室內同户外area，户外area環境好舒適，想吹下風可以坐岀面。室內酒吧亦都漂亮，暗暗地加上蠟燭令人感到好溫馨同舒服。Starter係秘魯吞拿魚拌蕃茄莎莎，配上香烤鱈魚脆片。秘魯吞拿魚同切粒嘅蕃茄伴在一起，食落好特別，好fresh嘅口感。鱈魚片烤得香脆，搭配酸甜嘅黑醋汁，令人開胃。之後嗌咗個蒜片橄欖油封大蝦配佛卡夏多士。一上碟就見到擺盤已經她吸引。大蝦爽口彈牙，加上烤至金黃嘅蒜片，香口味濃。配上香脆的多士，令人好滿足。Main courses我地分別嗌咗risotto同豬胺。首先嚟嘅係和風原隻璣煮鮑魚配野菌意大利飯。呢個和洋fusion嘅risotto令人好有驚喜。有一隻好大隻嘅鮑魚，啖啖肉好彈牙。risotto以和風的手法烹調，個醬汁甜甜地好好食。之後嘅係慢煮西班牙黑毛豬鞍。豬鞍好厚同多肉，外表煎得金黃色，聞到好香，而且肉汁好Juicy。搭配紅酒梨汁，令味道更有層次感。最後佢啲cocktail都好靚，打卡一流。