江南 ‧ 翡翠

营业中

休息中

江南小籠包：有肉汁但皮較厚，非常一般。百步香蔥油餅：外皮酥脆，但皮底嗰層好厚粉，口感麻麻。內餡嘅蔥就ok嘅，有蔥香味。蜜汁金華火腿烤雙方：賣相精緻吸引，但難食炸腐皮淋咗，變韌。火腿唔夠咸香，淋咗桂花蜜更加遮蓋咗火腿香味。青瓜有奇怪腥味！！！未食過咁怪味嘅青瓜！！！好後悔叫咗呢碟！油淋子雞：其實姐係炸子雞再加啲蔥花同豉油。炸子雞味道唔錯，肉都算嫩。但啲蔥花冇menu顯示咁多，同埋啲蔥花冇用熱油淋過？好生。呢道菜唔算太差，可以改善得更好。食物非常一般，反而壺茶幾香，服務都唔錯，人流唔多，坐得又舒服，冇壓逼感，不過呢個價錢，如果食物唔好食，都唔會想再幫襯。