盈館

营业中

休息中

地點咁方便，所以約朋友一定唔會托手踭，又不限時，坐得舒適，同朋友吹水歡聚確實唔錯。🥢脆皮燒鵝 (1/4隻)$881/4隻都夠哂份量，仲只係賣$88都幾抵食；侍應姐姐好nice，佢話燒味部嗰個大師傅幾代人都係做呢行，唔怪得之鵝味咁濃郁，咬落亦有口感，可媲美燒鵝專門店。🥢遠年陳皮一字骨$128炸得好香脆，口感紮實亦帶脂香，味道甜甜香香，另外仲附送炸饅頭。🥢薑蔥煎龍躉球 (6件)$168龍躉球煎得夠哂金香，肉質爽彈，龍躉皮亦充滿骨膠原，配菜除咗有薑蔥之外仲有西芹、紅黃椒及菇菌。🥢蝦乾花膠泡勝瓜 $108花膠Q彈，勝瓜泡得夠軟腍，仲有香芹及東菇，令到個湯汁夠哂濃郁。白飯$15小食$15茶介$15/位侍應姐姐除咗推介我哋食燒鵝之外，叉燒亦係必試之一，另外仲可以試埋冰鎮咕嚕肉，外脆內嫩，包我哋食完會上癮；講到咁正，下次真係要call齊班friend再嚟食過😆。