盛記酒家

营业中

休息中

上星期和家人去灣仔食中菜，上到酒樓人氣超旺，閒日都有咁多客，果然是老字號。盛記小炒皇，夠鑊氣，香噴噴，用料豐富，蝦乾、魚乾、魷魚、腰果、韭菜等，相當惹味，入口爽脆可口，值得試下。新鮮菠蘿咕嚕肉，用新鮮菠蘿比罐頭的好得多，鮮味香濃，酸酸甜甜好開胃，咕嚕肉炒完仍微脆，好快就食清光。香煎蓮藕餅，好大塊，份量夠，煎得好香口，但又不會覺得很油膩，有一種傳統的味道，令人回味。西蘭花蝦球螺片，賣相吸引，都幾大碟，蝦球夠大隻，而且相當爽口彈牙，西蘭花夠新鮮，食味平衡，顯出廚師的功力。海蜇汾蹄，海蜇爽口，汾蹄彈牙，加些白醋，開胃美味，簡單中又覺不平凡。食完還有糖水贈送，雖然是送的但很有水準，南瓜味香濃，濃稠度適中，最重要是不太甜。