是蛋

营业中

休息中

長洲除左大魚蛋，海鮮有名之外，好多小店都相當有特色，好似呢間是蛋咁，店鋪名改得趣怪，令人難忘。小店坐位唔多，繁忙時間應該都要等下位咁，好在我哋來既時間無乜人，可以直入。坐低望下餐牌見到餐牌都係西式為主，我哋打算食下小食咁留肚周圍食，就叫左個土製炸蛋，同松露是蛋炒配煎薯餅。土製炸蛋係用豬肉碎包住流心蛋，然後用炸粉包住炸，外型一個波咁，切開蛋黃就會流出來，配上豬肉碎食相當有趣。另一味炒蛋加左黑松露來炒，又滑又香，下面既薯餅係用切成條既薯仔整成，脆口得來又有薯條感覺，值得一試！