淥鼎記

营业中

休息中

冬凍凍最岩食火鍋，美味雞煲火鍋推介淥鼎記係一間台式養生火鍋店，主打無限時任食雞煲、酸菜魚及火鍋，仲會送贈牛小排、刺身拼盤、海鮮拼盤同甜品，有唔同既套餐，分別各有不同，配套的套餐亦不一樣，豐儉由人。早兩日剛好轉凍，今日仲要落雨天，毛毛細雨，就最適合去打邊爐。除咗晚上既火鍋，佢哋晏晝都仲會主打精緻點心和中式小菜，酸菜魚可以話係店舖嘅招牌菜之一。我同朋友搭電梯上到5樓，同接待員登記及掃碼後便很快就可以入座，有個四小碟餐前小食，頭盤三揀一，有酸菜魚，雞煲及烤魚可以選擇，當食完前菜後可換上火鍋繼續打邊爐，非常正，又可以換個口味。火鍋的配料可以手機掃碼點單，亦可到自助區選擇不同的菜類，質素都非常之不錯，自助區更有大量不同款式的飲品可供選擇，更有自家製的竹蔗矛根，味道亦非常不錯。我和朋友頭盤點了雞煲，非常入味，火侯亦剛剛好，食完前菜我地點左牛肉同黑毛豬，然後係自助區配了汁醬及拎左時令既丸類同蔬菜，亦有香港人最愛既牛柏業同鵝腸，最令我滿意既係菜料都非常新鮮，性價比甚高。