影片
更多
2023-04-07
373 浏览
講起食蛇以為淨係適合秋冬進補？但其實只要根據季節以不同藥材同煮法，春夏季都可達到補而不燥，四季得宜。加上蛇肉本身滋補不燥、低脂肪、低膽固醇，係養生妙物呀！🐍燕窩蛇湯燉節瓜盅 拼💜紫椰菜臘味粒蟹肉蛋白炒飯蛇湯以「蛇王芬」嘅經典蛇羹為藍本，用上蛇骨、雞肉、豬肉等熬煮而成，再選用節瓜釀入帶子、蝦仁、瑤柱同薏仁等，原盅燉煮，蛇湯營養豐富，仲加入燕窩同玫瑰花瓣，氣味更清香，清補而不燥。臘味粒蟹肉蛋白炒飯，特別加上紫椰菜及陳皮絲，減低臘腸嘅油膩感，食落更清新又爽口！🧡太史蛇羹酥 外層炸至金黃色，非常酥香，內內裏包住以先蛇羹湯水凝固成為啫喱肉凍，保留蛇羹嘅原汁原味，香口又特別😋！🧡藥膳醉乳鴿王乳鴿肉質鮮嫩，加入當歸同杞子去浸泡一整晚，夠哂入味，上碟時仲淋上紹興花雕酒，鴨肉鮮甜又富酒香，正呀！💚翡翠蘆筍餃餃皮晶瑩又翠綠，以豬肉、雞髀菇、秀珍菇、蘆筍、百合作為餡料，蘆筍鮮脆，鮮肉多汁，爽口又清新🥰！💛菊花蝦餃菊花加蝦餃好特別配搭，蝦餃皮用以菊花粉入饌，食落真係有陣陣清香花味，而內裏嘅蝦肉亦好新鮮又彈牙！❤️紅菜頭素餃 紅菜頭營養非常豐富又補血，加入餡料如雞髀菇、冬菇同杞子，以蒸餃嘅做法就可keep到蔬菜嘅
講起食蛇以為淨係適合秋冬進補？但其實只要根據季節以不同藥材同煮法，
春夏季都可達到補而不燥，四季得宜。
加上蛇肉本身滋補不燥、低脂肪、低膽固醇，係養生妙物呀！
🐍燕窩蛇湯燉節瓜盅 拼💜紫椰菜臘味粒蟹肉蛋白炒飯
蛇湯以「蛇王芬」嘅經典蛇羹為藍本，用上蛇骨、雞肉、豬肉等熬煮而成，再選用節瓜釀入帶子、蝦仁、瑤柱同薏仁等，原盅燉煮，蛇湯營養豐富，仲加入燕窩同玫瑰花瓣，氣味更清香，清補而不燥。
臘味粒蟹肉蛋白炒飯，特別加上紫椰菜及陳皮絲，減低臘腸嘅油膩感，食落更清新又爽口！
🧡太史蛇羹酥
外層炸至金黃色，非常酥香，內內裏包住以先蛇羹湯水凝固成為啫喱肉凍，保留蛇羹嘅原汁原味，香口又特別😋！
🧡藥膳醉乳鴿王
乳鴿肉質鮮嫩，加入當歸同杞子去浸泡一整晚，夠哂入味，上碟時仲淋上紹興花雕酒，鴨肉鮮甜又富酒香，正呀！
💚翡翠蘆筍餃
餃皮晶瑩又翠綠，以豬肉、雞髀菇、秀珍菇、蘆筍、百合作為餡料，蘆筍鮮脆，鮮肉多汁，爽口又清新🥰！
💛菊花蝦餃
菊花加蝦餃好特別配搭，蝦餃皮用以菊花粉入饌，食落真係有陣陣清香花味，而內裏嘅蝦肉亦好新鮮又彈牙！
❤️紅菜頭素餃
紅菜頭營養非常豐富又補血，加入餡料如雞髀菇、冬菇同杞子，以蒸餃嘅做法就可keep到蔬菜嘅原汁原味，健康之選呀！
🤍太子參帶子餃
帶子餃於餡料中混入太子參粉，
帶有陣陣參味甘香，配上帶子，鮮味十足🤗
🍊橙皮蓉柑桔包
賣相可愛度滿分，整到成個柑桔咁，包住豬肉同鹹柑桔混合作餡料，包皮仲加入橙皮蓉去製成，好甘香又開胃！
黑芝麻豆沙包
豆沙包加入竹炭粉，而餡料就以黑芝麻、麻蓉和豆沙蓉混合而成，芝麻味好香濃，如果再流沙d就更好啦😉！
张贴
