影片
更多
2021-11-18
526 浏览
蛇王芬去過無數咁多次，相信就算你冇去過都一定會聽過，佢喺沙田嘅年輕副線四季芬芳你又聽過未？ 我就聽過好多次，今次終於的起心肝去，全因有新餐牌。 當晚幸好和幾個非常有食力嘅人食飯，才可以食多幾樣野。當晚剛剛好有點涼意，乜都唔諗先食碗蛇羹先，蛇羹同蛇王芬一樣咁好，但係所有碗同裝飾都靚咗好多年青咗好多。 冇諗過呢度竟然會有點心，雖然食緊晚餐但係都好想試吓佢嘅點心，仲要難得夜晚仲有供應。 先吃佢嘅臘腸卷，造型應該係最精緻，個包用上紅菜頭令到佢色澤鮮艷紅潤又亮麗，最重要加上佢嘅招牌臘腸，一定好食。 潤腸孖寶有鹹水角同埋糯米燒賣，鹹水角大家都知係乜嘢，但係佢嘅餡料加上潤腸之後成個味道都有唔同嘅層次，而且鹹水角嘅外皮竟然係加左竹炭粉，感覺更加特別。 糯米燒賣香濃甘香，呢個絕對係向傳統致敬嘅一個點心。 食到呢度，當然係想飲杯茶，但係呢，唔係飲一杯熱茶咁簡單，女士一定會鍾意因為呢度有個counter，有個成個韓仔姜濤咁嘅靚仔即場沖茶，推介薑桃手打香水檸檬茶，用上生薑同蜜桃兩種風馬牛不相及嘅味道撞埋一齊，而且茶膽係鴨屎香嘅茶，味道令人真係非常難忘，送嗰幾個點心
我就聽過好多次，今次終於的起心肝去，全因有新餐牌。
當晚幸好和幾個非常有食力嘅人食飯，才可以食多幾樣野。當晚剛剛好有點涼意，乜都唔諗先食碗蛇羹先，蛇羹同蛇王芬一樣咁好，但係所有碗同裝飾都靚咗好多年青咗好多。
冇諗過呢度竟然會有點心，雖然食緊晚餐但係都好想試吓佢嘅點心，仲要難得夜晚仲有供應。
先吃佢嘅臘腸卷，造型應該係最精緻，個包用上紅菜頭令到佢色澤鮮艷紅潤又亮麗，最重要加上佢嘅招牌臘腸，一定好食。
潤腸孖寶有鹹水角同埋糯米燒賣，鹹水角大家都知係乜嘢，但係佢嘅餡料加上潤腸之後成個味道都有唔同嘅層次，而且鹹水角嘅外皮竟然係加左竹炭粉，感覺更加特別。
糯米燒賣香濃甘香，呢個絕對係向傳統致敬嘅一個點心。
食到呢度，當然係想飲杯茶，但係呢，唔係飲一杯熱茶咁簡單，女士一定會鍾意因為呢度有個counter，有個成個韓仔姜濤咁嘅靚仔即場沖茶，推介薑桃手打香水檸檬茶，用上生薑同蜜桃兩種風馬牛不相及嘅味道撞埋一齊，而且茶膽係鴨屎香嘅茶，味道令人真係非常難忘，送嗰幾個點心係一個絕頂嘅配搭。
另外朋友提早一日預訂了兩個菜式叮囑話一定要食。荷葉八寶雞，入面有多種唔同嘅餡料，當然有呢度最出名嘅臘腸同潤腸，仲有糯米冬菇蝦米瑤柱等等，將餡料擺放都有次序，先蒸完炒香再放入雞入面定型後再蒸，淋雞汁喺八寶雞上邊，開隻雞食嗰陣又香又濃，糯米好入味，一定不可錯過。
原來又係另一個蟹粉菜式，玉子豆腐炸好後並挖空心，再加南瓜打造成嘅湯，釀入蟹粉變成一個小福袋，蒸完後再加上南瓜同唔同嘅毛豆紅豆等煮成嘅醬汁，蟹粉配合豆腐同五蔬嘅混合，好特別。
秋季當然要食大閘蟹，呢個大閘蟹粉麵食，除了蟹粉以外仲要加一個甲羅燒，上面還有飛魚子同蟹粉，撈麵真心一流。
仲有蟹粉原條黃魚煨麵，同我喺上海食一模一樣，加上魚湯同埋成條炸過嘅黃魚，仲要加上蟹粉，雙重鮮味，自己好飽都食到一碗。
當然不能錯過蟹粉小籠包，因為今晚吃到的蟹粉太好了。另一個小籠包係朋友食完再encore，你就知道有幾好。
女士嘅花膠燉雞湯麵線，相對清淡，但係其實火喉十足，因為用上第一代創辦人嘅食療保健心願，清清地但係味道完全不失禮。
最尾再叫多個煲仔飯，即場燒嘅叉燒同埋叫咗隻雞，大滿足，特別係個飯焦，搞到最後甜品也吃不落了。
估唔到之前蛇王芬大件夾抵食，呢度就算走年輕人路線都一樣係超級大份，而且所有傳統口味嘅嘢都依然不變，以後想食蛇王芬唔需要再過香港島。
四季芬芳 沙田沙田正街2-8號新城市廣場三期3樓363A號舖
张贴
