一鍋堂 (瓊華中心)

营业中

休息中

話說今日約咗屋企人食飯，本來食開x大人嘅,諗住食唔到多嘢咪去一鍋堂囉，就係諗住平嗰小小，上到去門口攞位嗰個阿姐就係店長啦，安排咗門口第一張枱，我唔肥嘅但係覺得好迫，坐低首先叫啲嘢食話出咗單但係冇嚟過，跟住搵個藍色恤衫嘅男侍應幫我跟一跟就嚟咗，牛肉肉就冇乜問題嘅，跟住雞子食落去有啲苦嘅，以我嘅經驗應該係搵嘢浸過，問一問肥店長佢就話俾我聽係搵酒浸過，不過正常新鮮雞只係唔使搵嘢浸，跟住我就問啲蝦丸有啲酸喎，只係想反映返俾佢聽，點知佢攞一疊俾我叫我再試吓，諗住會好啲啦，點知同屋企人食過都係酸嘅，佢話佢好注重啲嘢食喎，跟住我食過都係酸嘅，跟住叫佢試一粒，佢嘅表情笑住話：冇嘢喎先生係咁㗎喎，我哋搵咗特別嘅嘢去醃製㗎，跟住我話其實依啲嘢唔使醃嘅，啲丸係手打㗎咋嘛最多咪攞啲生粉，佢都係同意落咗啲生粉之類嘅嘢，又唔係檸檬汁點會酸啫，呢啲正常唔係做廚房嘅師奶都會知，我味覺有問題就話啫，全家都有事？啲魚頭就腥到阿媽都唔認得，第二碟我都唔敢再倒落嗰個煲嗰度，成煲嘢都腥晒，其實啲嘢有問題唔緊要㗎你咪唔好出囉，一陣間食到肚痛我一定會追究，以後唔好再幫襯我講真！！！！