十下火鍋

明顯係一間走懷舊風嘅餐廳。木色圓枱再增添一啲大排檔風。不過場內困聲度高。多人時好難先聽得到朋友講咩。一坐低就見waiter收走左啲set嘅menu。一問之下。waiter解釋set得二人同四人餐。我地一行5人唔可以叫餐。只可以散叫。再問可唔可以叫四人餐再散叫一啲嘢食。又或者四人餐加多一個人嘅份量。因為見佢都係以人頭計。結論都係話只可以散叫。咁都冇計唯有散叫。不過認真唔user friendly 。同真心覺得需要改善。椰子燉雞湯料足夠濃。一人一碗當湯飲。火鍋料普遍都新鮮。但本地牛牛味麻麻。紫菜響鈴啲紫菜淋左之後變到好難咬開。影響口感。最愛都係陳皮魚蛋白膳片魚皮餃。而最值一讚係啲菜蔬睇得出係有用心處理過。試左2支手工啤酒。味道有特式。香味突出。可以支持一下。其實餐廳收費唔平。食物新鮮但冇乜特色。選擇上都係一般火鍋料。相信有好一部分都係俾左個環境。值唔值。真係見仁見智啦。