喜記避風塘炒辣蟹 (謝斐道)

营业中

休息中

同朋友嚟食飯，我哋都係衝着佢嘅招牌避風塘炒辣蟹嚟嘅，呢隻炒辣蟹真係正到冇得頂。蟹夠大隻，蟹鉗夠晒肉，避風塘夠晒香又夠辣，真係夠晒好味！椒鹽類美食都唔少得，⚓️椒鹽大瀨尿蝦🖤，第一次見咁大隻嘅賴尿蝦，比隻蟹鉗更加大，賴尿蝦係要椒鹽鮮最好食㗎！⚓️椒鹽九肚魚🧡，啖啖肉嘅椒鹽炸九肚魚，外皮趣卜卜，入邊嘅魚肉，又滑又夠軟！酒味十足嘅⚓️辣酒煮花螺🩵，花螺肉又夠大隻。刁隻螺肉出嚟食，仲可以飲埋螺肉殼入邊嘅汁，真係食得好滋味。⚓️蒜蓉炒通心菜🤎，通心菜喺餐廳煮嘅先煮得好食，煮得啱啱好，翠綠又夠新鮮，食咁多肉，當然要補番啲纖維啦！甘味十足，蛋味十足，⚓️涼瓜煎蛋🩷。而且煎蛋煎得非常靚，金黃色非常吸引！味道又濃郁嘅⚓️涼拌皮蛋💜，撈埋啲蔥芫荽蒜頭和辣椒一齊食，好適合配飯