盈館

营业中

休息中

今次同幾個朋友去旺角創興廣場嘅盈館食晚飯😋真係有驚喜！😆 首先要講下佢哋嘅北京片皮鴨，皮脆肉嫩，配埋薄餅同埋甜麵醬，真係一流，食到停唔到口！🦆🥢火焰鹽燒雞都好有特色，侍應會即場點火，成隻雞香噴噴，肉質嫩滑，鹹香味十足，啖啖肉都好滿足！🔥🐔 最正係點呢個菜仲可以參加乒乓波抽獎，抽中大獎仲可以免費食埋隻雞，真係玩得又食得，開心又抵食！🏓🎉西蘭花炒帶子都好新鮮，帶子大粒又彈牙，西蘭花爽口，炒得啱啱好，唔會過熟，健康又美味！🥦🦪 濃湯金銀蛋浸菜苗都好有驚喜，湯底好香濃，菜苗嫩滑，金銀蛋味道剛剛好，唔會太鹹，飲完成個人都暖晒！🍲🥚最後一定要提下蒜蓉粉絲蒸元貝，一份有四隻，元貝新鮮，蒜蓉味香濃，粉絲吸晒啲汁，真係好惹味，大家都搶住食！🦪🍜 真係好適合同家人朋友聚餐！👍🏻